July 2013 poan, Yehowa Sɛɛradoma Tigere Zuo Bisegadoma gulesɛ la gɔŋɔ bo sateŋa na’am yetɔɣum yalegerɛdoma la tɛm woo sore ŋmɛ’adoma n boi tisi a se’a poan. Gɔŋɔ la pa’alɛ ba eŋɛ maaseŋɔ se’em ti ba soŋɛ sɛba n boi tisi a se’a la wan eŋɛ se’em ti ba ta’an keŋɛ teŋkatɛ la sateŋa laɣesegɔ ti ba yeti ba eŋɛ, pɔsɛ 2014 la 2015 poan.

Sɛla zuo ti ba eŋɛ maaseŋɔ la daɣɛ la soŋɛ sɛba n boi tisi a se’a poan la ti ba keŋɛ laɣesegɔ la ma’a ge bala me wan basɛ ti ba nyɛ yɔ’ɔ naɛ la ba deodoma la ba zɔdoma sɔsɛ. Gɔŋɔ la yeti tigere la wan yɔ ba kenɛ la ba lebega.

La boi bim ti ba tabelɛ maasum wana ge yuun dena wan bɔna de to’ore. Tigere Zuo Bisegadoma, Teaching Committee la n pa’alɛ se’em la ti ba eŋɛ tuuma wele, World Headquarters (WHQ) Travel ti bamam n wan kena da’ara tickets la.

Ba dekɛ gɔnɔ la tisɛ ba’asɛ la, WHQ Travel kɔ’ɔn pɔsɛ mɛ da’ara tickets. January 2014 poan ti ba puɣum da tickets zo’e mɛ. Sɛba ti ba dekɛ tuunɛ la eŋɛ ba nu’usin la viisɛ mɛ bisɛ itineraries bo tɛm woo sore ŋmɛ’adoma wa teŋgɔŋɔ wa za’a waabi poan.

Itineraries basɛba daa kpe’em mɛ la to nyɛ. Sɛba n ze’ele Reykjavík la Iceland daa nari ti ba keŋɛ la Cochabamba, Bolivia teŋa. Sɛba me n ze’ele Nouméa la New Caledonia daa nari ti ba keŋɛ la Antananarivo, Madagascar teŋa. Sɛba daa ze’ele la Port Moresby, Papua New Guinea keŋɛ Seattle, Washington, U.S.A teŋa ge ti basɛba me n daa ze’ele Ouagadougou, Burkina Faso, daa keŋɛ la Winnipeg, Canada teŋa.

Sɛba n boi WHQ Travel la dela mabiisi banuu n da tickets n paɛ wuu 19,000. Ba dekɛ ligese’a woo ti tansuga laɣesɛ la da la tickets 4,300 bo mabiisi n boi tisi 176.

Mabiisi puurɛ daa pee mɛ la bo’olum wa. Mabia la a pɔɣa n de sateŋa na’am yetɔɣum yalegerɛdoma yeti: “Zina to ye lebera la Southeast Asia. To puurɛ pee mɛ la yamam n soŋɛ tɔ ti to lebe tomea teŋa England ta kaɛ to deodoma bisɛ wa. Yuuma anuu n wana ti to ka nyɛ ba. San daɣeni ya eŋɛ maalekuna wa, to kan ta’an ni wa’ana. To pu’usɛ ya la ya soŋɛ sɛba woo ti ba wa’ana la.”

Mabia n de sateŋa na’am yetɔɣum yalegerɛ daana bɔna Paraguay teŋa yeti: “Mam la n pɔɣa puurɛ pee mɛ la ya basɛ ti to nyɛ yɔ’ɔ ta’an keŋɛ New Jersey, U.S.A. sateŋa laɣesegɔ la. Yuun 2011 pɔsega la poan, to yuun maasum mɛ ti to keŋɛ ta bisɛ United States tigere zuo la. To yuun laɣesɛ la ligeri biŋe. Ge June yuun denɛ mea nɔɔ poan, ti ba yi to ti to keŋɛ Paraguay ta kaɛ gɔɔnɔ tansugere la bisɛ. Sore wa kenɛ yuun kpe’em mɛ. Ge to yuun geele yɛla zo’e zo’e bisɛ la, to yuun nam ti to wan tuɣum da la loore ti la soŋɛ ti to tum tuunɛ wa ge basɛ United States la kenɛ. La ka yue ti ba beem to ti to keŋɛ sateŋa laɣesegɔ la. Ti to puurɛ daa pee. To boti sɛla la sirum eŋɛ ya. To daa pu’usɛ Yehowa la en tari giile la itisoŋɔ se’em bɔ’ɔra to la.”

Nɛra la a pɔɣa n ze’ele Malawi yeti: “To gulesɛ gɔŋɔ wa ti to pu’usɛ ya mɛ zo’e zo’e! To daa ti’isɛ la tuunkara, saŋa la ligire ti ba daa dekɛ soŋɛ saama se’em la. To nini tiɣɛ ya mɔ se’em la mɛ ge sɛla n gani za’a dela Yehowa tigere yɛri yɛri bu’a la n soŋɛ tɔ ti to ta’an keŋɛ sateŋa laɣesegɔ wa, nyɛ to deodoma la to zɔdoma la.”

Mileivi yeti: “Mabiisi la n tuni WHQ Travel la nɔŋɛ ba tuunɛ la mɛ. Tuunɛ wa dela yɔ’ɔ kãtɛ paa ti ho laɣum soŋɛ sateŋa na’am yetɔɣum yalegerɛdoma ti ba ta’an lebe kule ta bisɛ ba deodoma la ba zɔdoma.” Dorise me yeti: “La soŋɛ mam ti mam wa’ana baŋɛ nɔŋɛse’ere taaba ti tigere la tara bɔ’ɔra mabiisi la n boi tisi a se’a tuna na’am tuuma la.” Rodney se’em n biseri wele dena wa yeti: “La dela pupeelum la mam laɣum pa’asɛ tuundena wa poan la.”

Yehowa Sɛɛradoma woo n boi teŋgɔŋɔ wa zuo puurɛ pee mɛ la ba nyɛ yɔ’ɔ laɣesɛ ligire soŋɛ mabiisi sɛba n basɛ bamea teŋa ta bɔna tisi a se’a mɔɔra na’am tuuma poan se’em la.