Ayinamɛ é jí mǐ ɖɔxodó wayi lɛ ko gɔ́alɔna gbɛtɔ́ livilivi lɛ nadó ɖé nuvɛun sɛ̀ sɔ́n ahǔn yětɔn mɛ. Enyí mǐ ná ɖɔ xójɔxó, gbɛtɔvi lɛ ma gán ɖé nuvɛun sɛ̀ sɔ́n ayihɔ́n-gbɛ̀ lɔ mɛ mlɛnmlɛn. Bɔ etɛ́wɛ ná ɖé é sɛ̀ lo?

Ganɖutɔ lɛ ma o kpénǔgo nadó ɖé nuvɛun sɛ̀. Amɔ́, be acɛkpikpa ɖé tíin xe enɛ gán kpà ya?

Acɛkpíkpa xe ná bayi enɛ

1. 1. Ðóná gɔ́alɔna gbɛtɔvi lɛ nadó jo linlɛn agɔ̀ dó bo nɔ lɛnnu ɖagbe gandó yenɔzo go.

2. 2. Hù akpà xe nuvɛun ko dó mɛsusu go lɛ, enɛ ná zɔ́n bɔ é ná bɔawuna yě nadó nɔ yiwǎnnamɛ.

3. 3. Ganɖutɔ etɔn lɛ ma ɖóná ɖó nuvɛun etlɛ nyí kɛnnɛ-kɛnnɛ ɖé.

4. 4. Ðóná kɔ̀n akɔ̀ lɛkpó dókpɔ́.

Biblu dóxya ɖɔ Jixwéyɛxwe ko ɖó ganɖuɖu mɔnkɔ ai. Ganɖuɖu enɛ wɛ yè nɔ ylɔɖɔ “Axɔluɖuta Jixwéyɛxwe tɔn.”—Luku 4:43.

Kpɔ́n nue ganɖuɖu enɛ ná wà.

“Mɛxe nɔ nɔ̀ ayigba jí lɛ [ná] nɔ kplɔ́nnǔ gandó dǒdówiwa go.”—IZAYA 26:9.

“Ale xe dǒdówiwa nǔgbó ná hɛnwa wɛ jijɔxo, kpóɖɔ sínsɛ́n xe dǒdówiwa nǔgbó ná ɖetɔ́n wɛ vivomɛninɔ kpó xixɔ́ xe ná dɛn-to-aimɛ kpó.”—IZAYA 32:17.

Etɛ́wɛ enɛ dóxya? É dóxya ɖɔ nuɖagbe kavǐ nue sɔgbe wɛ Axɔluɖuta Jixwéyɛxwe tɔn ná kplɔ́n gbɛtɔvi lɛ. Hwenue gbɛtɔ́ lɛ nyɔ́ ɖagbe dóvo ná onyla, yě nɔ yiwǎnna dǒdó bo nɔ gbɛ́wǎnna mawadǒdó bɔ exe nɔ tɔ́n to alio xe mɛ yě nɔ yinuwa xɛ́ yenɔzo te mɛ. To Axɔluɖuta Jixwéyɛxwe tɔn glɔ, mɛlɛkpó wɛ ná mɔɖɔ nue sɔgbe wɛ é nyí nadó nɔ yiwǎnna oɖe awetɔ.

Jixwéyɛxwe ná “súnsún ɖasin lɛkpó sɛ̀ sɔ́n nukún yětɔn mɛ, okú ma nasɔ́ tíin ba, mɔ̌jánwɛ alùɛmɛninɔ kavǐ avǐ kavǐ awufiɛsà ma nasɔ́ tíin ba. Onǔ xóxó lɛ ko juwayi.”—OSƆ́XYA 21:4.

Etɛ́wɛ enɛ dóxya? É dóxya ɖɔ Axɔluɖuta Jixwéyɛxwe tɔn ná ɖé awufiɛsà xe nuvɛun ko hɛnwa lɛkpó sɛ̀. Mɛe nuvɛun ko zɔ́n bɔ yè tafu lɛ ma nasɔ́ hɛnmɛ dó xomɛ ba.

“É ma ná nɔ dahwɛ sɔgbe xɛ́ awusɔxya nukúnta tɔn, kavǐ wɔxɛ́mɛ to dǒdónu nǔxe é sè kpoun lɛ tɔn jí. É ná nɔ dahwɛ jijlɔ ná agbátɔnɔ, é nasɔ́ nɔ yí dǒdówiwa dó wɔxɛ́mɛ dó ota xomɛmimiɔnnɔ ayigba jí tɔn lɛ tɔn mɛ.”—IZAYA 11:3, 4.

Etɛ́wɛ enɛ dóxya? É dóxya ɖɔ sɔ́n olɔn mɛ Jesu Klisti xe nyí Ogàn Axɔluɖuta Jixwéyɛxwe tɔn ná nɔ dahwɛ jijlɔ bo ma ná ɖé akɔ̀ ɖé dóvo ná ɖé. Jesu ma nɔ cinnya akɔ̀, kpóɖɔ to ganɖuɖu etɔn hwenu, mɛtitafu ɖékpókpé maa tíin to ayihɔ́n-gbɛ̀ lɔ mɛ.

Axɔluɖuta Jixwéyɛxwe tɔn nɔ kplɔ́n gbɛtɔ́ lɛ nadó ɖó ‘linlɛn ɖokpólɔ́ kpó owǎnyi ɖokpólɔ́ kpó bo nɔ tíin to kɔndókpɔ́ mɛ mlɛnmlɛn bosɔ nɔ tindó linlɛn ɖokpólɔ́.’—FILIPINU LƐ 2:2.

Etɛ́wɛ enɛ dóxya? É dóxya ɖɔ kɔndókpɔ́ xe ná nɔ tòvi Axɔluɖuta Jixwéyɛxwe tɔn lɛ cɛncɛn ma ná nyí nukúnta tɔn. Yě ná “tíin to kɔndókpɔ́ mɛ mlɛnmlɛn,” ná yě ná yiwǎnna yeɖe nǔgbónǔgbó wutu.