Mɛsusu wɛ ma nɔ jlo ná sɛ̀n Jixwéyɛxwe, ná yé nɔ ɖɔ ɖɔ uwɔ wɛ zɔ́n bɔ mǐ to yaji.

Sinsɛ̀n susu wɛ nɔ kplɔ́nmɛ ɖɔ Jixwéyɛxwe wɛ zɔ́n bɔ mǐ to yaji. Ði akpajlɛ̌, ɖélɛ to yé mɛ nɔ ɖɔ ɖɔ:

• Enyí otɔ̀ gbàmɛ kavǐ oxwé mɛɖé tɔn jizò, be Jixwéyɛxwe wɛ to yasana mɛlɔ.

• Mawu wɛ ná, Mawu wɛ sɔ́ yí; to hwenue yɔkpɔ́vu ɖé kú.

• Jixwéyɛxwe nɔ nɔgodona ahwànfunfun, bɔ exe nɔ hɛn awufiɛsà susu wá.

Amɔ́, laloɖo wɛ sinsɛ̀ngán enɛlɛ te dókɔna Jixwéyɛxwe. Kpóɖɔ nǔxe wà yé te nɔ vɛna ɛn.

É ma nyí Jixwéyɛxwe wɛ zɔ́n bɔ mǐ to yaji.

Biblu dóxya ɖɔ nuɖagbe kɛ́ɖɛ́ wɛ Jixwéyɛxwe nɔ wà. Ði akpajlɛ̌, é ɖɔ ɖɔ:

Alixo [Jixwéyɛxwe] tɔn lɛkpó wɛ nɔ dó hwɛdida dódó xya. . . . Dodónɔ kpóɖɔ nǔgbónɔ wɛ ewɔ.”—DEUTELONOMI 32:4.

É dɛn dó Jixwéyɛxwe nǔgbó lɔ nadó yinuwa kpó kannyiylan kpó, yèɖɔ Gǎnhunǔkpótɔ́ lɔ nadó waylan!”—JOBU 34:10.

Gǎnhunǔkpótɔ́ lɔ ma nɔ gada hwɛdida.”—JOBU 34:12.

Xomɛ Jixwéyɛxwe tɔn ma nɔ hùn dó sinsɛ̀n xe nɔ ɖolalo dókɔna ɛn lɛ go.

É ma nɔ kɛalɔyi sinsɛ̀n xe nɔ kplɔ́nmɛ ɖɔ uwɔ wɛ zɔ́n bɔ mǐ to yaji lɛ gɔna sinsɛ̀n xe nɔ ɖoalɔ to ahwàn kpó danuwiwa kpó mɛ lɛ.

Yɛhwegán lɛ to ɖɔɖáyǐ lalo tɔn ɖɔ to onyǐ cie mɛ [enɛ wɛ Jixwéyɛxwe tɔn]. Yɛn ma dó yé hlán kavǐ ɖegbena yé kavǐ ɖɔxona yé gba. Numimɔ lalo tɔn . . . kpó yɛɖoklɔmɛ ahun yětɔn titi mɛ tɔn lɛ kpó wɛ nǔxe yé to ɖɔɖáyǐ etɔn ɖɔ hlán mì lɛ.”—JELEMIA 14:14.

Jesu jɛagɔdó yɛnuwiwa sinsɛ̀n tɔn.

É ma nyí mɛlɛkpó xe to ɖiɖɔna mi ɖɔ, ‘Oklunɔ, Oklunɔ,’ wɛ ná byɔ́ Axɔluɖuta olɔn tɔn mɛ gba, adavo ewɔ xe to ojlǒ Otɔ́ cie xe tíin to olɔn mɛ tɔn wà kɛ́ɖɛ́. Mɛsusu wɛ ná ɖɔna mi to azán enɛ gbè ɖɔ: ‘Oklunɔ, Oklunɔ, be míwlɛ ma ko ɖɔ ɖɔɖáyǐ to onyǐ towe mɛ bo ko nyà aovi lɛ jɛgbonu to onyǐ towe mɛ bo ko sɔ́ wà azɔ̌n huhlɔnnɔ susu lɛ to onyǐ towe mɛ ya?’ Hwenɛnu wɛ nyɛ ná ɖɔna yé ɖɔ: ‘Yɛn ma nyɔ́ mì gbeɖe! Mì tɔ́n sɔ́n dè é, mì mɛxe nɔ wazɔ́n sɛ́nhɛngba tɔn lɛ!’”—MATIU 7:21-23.