Ná enyí mílɔsu go wɛ é sɔ́n, be mǐ gán ɖe yajiji kpò.

Naegbɔ̌n mǐ gán ɖɔ ɖɔ gbɛtɔvi lɛ lɔsu nɔ hɛn yajiji wá?

• Danuwadómɛgo.

  Titobasínanu ɖé dóxya ɖɔ omɛ 1 to 4 jí wɛ yè nɔ wadanu dó to kpɛvi bɔ nyɔnu 1 to 3 jí wɛ yè nɔ wà okà dó kavǐ tɛnkpɔ́n nadó ɖóxó xɛ́ kpó xúhlɔn kpó.—Organisation mondiale de la santé.

• Alùɛmɛninɔ.

  Linlinwe 2018 tɔn ɖé ɖɔ ɖɔ: “Nǔɖi gbɛtɔ́ 477 000 wɛ nyí hùhù lɛdó ayihɔ́n kpé to 2016.” (Organisation mondiale de la santé) Sɔxa exe sɔ́ to ovò ná omɛ 180 000 xe linlin lɛ dóxya ɖɔ yé nyí hùhù to ahwàn kpó hunnyahunnya lɛ kpó hwenu to oxwe enɛ mɛ.

• Awutu.

  Wekantɔ Fran Smith ɖɔ to owě ɖé mɛ ɖɔ: “Gbɛtɔ́ liva ɖokpó linlán wɛ nɔ nù azɔ̀, kpóɖɔ taba-nùnù nɔ dómɛ azɔ̀n atɔ́n xe nɔ yawu hɛn okú wá lɛ, enɛ wɛ: ahun-zɔ̀n, asaku-awàku, azɔ̀n xe nɔ bɛ́kpla gbigbɔ-kàn lɛ, afuje-zɔ̀n xe sínnyɛ kpó kansɛɛ afuje tɔn kpó.”—National Geographic.

• Ohɛ́n.

  Dotozɔ́nwatɔ Jay Watts ɖɔ ɖɔ: “Ohɛ́n, nuyiwaxɛ́mɛ agɔ̀, akɔ̀-cincinnya, vɔdóna nyɔnu lɛ kpó agbàhwinhwlɛn kpó nɔ hɛn mɛsusu byɔ́ lɛnkpɔ́n mɛ.”

  DINDONÁ DOGƆ

  Kpɔ́n video lɔ Naegbɔ̌n Jixwéyɛxwe Dó Dá Ayigba? to jw.org jí.

Suhúgǎn oyà xe mǐ nɔ ji to egbexe lɛ tɔn nɔ sɔ́n gbɛtɔvi lɛ go.

Ganɖuɖu xe nɔ kpacɛ glanglan lɛ ko hɛn gbɛninɔ vɛawuna tòvi xe yé ɖɔ emi to ɖagbewà ná lɛ.

“Gbɛtɔ́ ko ɖugán dó gbɛtɔ́ jí ná awugble etɔn.”—YƐHWEXOÐƆTƆ 8:9.

Yajiji gán ɖekpò.

Ayinamɛ Biblu tɔn xixodó nɔ zɔ́n bɔ agbasa nɔ ló bɔ jijɔxo nɔ tíin.

“Ahun xe xwesɔ nɔ nagbɛ̀ agbasa, cigbǎ, awuhwàn nɔ hɛn oxú lɛ nyɔ̀.”—XÓHWINHWƐ́N LƐ 14:30.

“Mì gbɔ aɖi sínsínnyɛ, xomɛgble, adánjijɛ, axwá kpó mɛzunzun wunmɛ lɛkpó kpó ni dɛn dó mì gɔna nuylankan lɛkpó.”—EFESUNU LƐ 4:31.