1 Kọlintinu lẹ 4:1-21
4 Gbẹtọ ni nọ pọ́n míwlẹ hlan taidi devizọnwatọ* Klisti tọn lẹ podọ họ̀nkọnsi aṣli wiwe Jiwheyẹwhe tọn lẹ tọn.+
2 To whẹho ehe mẹ, nuhe nọ yin nukundo to họ̀nkọnsi lẹ si wẹ yindọ yé ni yin mimọ nado yin nugbonọ.
3 Todin, onú pẹvi tlala de wẹ e yin na mi, dọ yẹn ni yin dodinna gbọn mìwlẹ dali kavi gbọn whẹdọtẹn gbẹtọ tọn de dali. Na nugbo tọn, yẹnlọsu ma tlẹ nọ dindona dee.
4 Na ayihadawhẹnamẹnu ṣie wé. Ṣigba, ehe ma do mi hia di dodonọ; mẹhe nọ dindona mi wẹ Jehovah.*+
5 Enẹwutu, mì dawhẹ+ nudepope tọn jẹnukọnna ojlẹ sisọ lọ blo, kakajẹ whenue Oklunọ na wá. Ewọ na hẹn onú whiwhla he to zinvlu mẹ lẹ jẹ hinhọ́n nù bo na hẹn linlẹn ahun mẹ tọn lẹ sọawuhia, podọ to whenẹnu wẹ mẹdopodopo na mọ pipà etọn yí sọn Jiwheyẹwhe dè.+
6 Todin, mẹmẹsunnu lẹ emi, onú ehelẹ wẹ yẹn ko dọ gbọn dee titi po Apolo+ po yiyizan taidi apajlẹ lẹ dali na dagbe mìtọn, dọ gbọn míwlẹ gblamẹ, mìwlẹ nido sọgan plọn osẹ́n lọ he dọmọ: “Mì yì zẹ̀ nuhe yin kinkandai lẹ go blo,” na mì nikaa gbọn kikla dali yigo+ bo nọ do nukundagbe hia mẹde hú mẹdevo.
7 Na mẹnu wẹ hẹn we gbọnvona mẹdevo? Na nugbo tọn, etẹwẹ hiẹ tindo bọ e ma yindọ hiẹ mọyi wẹ?+ Na nugbo tọn, eyin a mọ ẹn yí wẹ, naegbọn hiẹ do to awagundo taidi dọ e ma yin hiẹ mọ ẹn yí wẹ?
8 Be mìwlẹ ko tindo pekọ wẹ? Mìwlẹ ko lẹzun adọkunnọ wẹ? Be mì ko jẹ gandu ji taidi ahọlu matin míwlẹ wẹ?+ Na nugbo tọn, yẹn jlo dọ mìwlẹ ni ko jẹ gandu ji taidi ahọlu, na mílọsu nido sọgan dugán hẹ mì taidi ahọlu lẹ.+
9 Na e taidi na mi dọ Jiwheyẹwhe ko do mí apọsteli lẹ hia gbọngodo taidi mẹhe owhẹ̀ okú tọn yin didá na,+ na mí ko lẹzun nupinpọn de na aihọn lọ,+ na angẹli lẹ, podọ na gbẹtọ lẹ.
10 Mí yin nulunọ lẹ+ na Klisti tọn wutu, ṣigba mìwlẹ yin nuyọnẹntọ to Klisti mẹ; mí yin madogánnọ, ṣigba mìwlẹ yin huhlọnnọ; mìwlẹ nọ yin yẹyidogona, ṣigba míwlẹ nọ yin winyando.
11 Kakajẹ ojlẹ ehe mẹ, huvẹ gbẹ́ to mí hù+ bọ nugbla to mí hù,+ podọ po huhlọn po wẹ mí nọ mọ avọ̀ do,* mí nọ yin hihò*+ podọ mí ma tindo owhé,
12 mí sọ nọ jẹtukla gbọn alọ mítọn lẹ yíyí do wazọ́n dali.+ To whenue yè to mí zun, mí nọ dona;+ to whenue yè to homẹkẹndo mí, mí nọ yí homẹfa do doakọnna;+
13 to whenue yè to oyín mítọn hẹngble, mí nọ dọho po homẹmimiọn po;*+ podọ kakajẹ din mí nọ yin pinpọnhlan taidi ogbó aihọn lọ tọn, po dihónu etọn lẹ po.
14 Yẹn to onú ehelẹ kàn, e ma yin nado dowinyan mì gba, ṣigba nado dotuhomẹna mì taidi ovi yiwanna ṣie lẹ.
15 Na dile etlẹ yindọ mì sọgan tindo mẹgopọntọ* 10 000 to Klisti mẹ, na taun tọn, mì ma tindo otọ́ susu gba; na yẹn ko lẹzun otọ́ mìtọn to Klisti Jesu mẹ gbọn wẹndagbe lọ gblamẹ.+
16 Enẹwutu, yẹn vẹ̀ mì dọ mì ni nọ hodo apajlẹ ṣie.+
17 Enẹwutu wẹ yẹn to Timoti dohlan mì dè, na ewọ wẹ ovi yiwanna podọ nugbonọ ṣie to Oklunọ mẹ. Ewọ na flinnu mì gando aliho nuyiwa tọn ṣie lẹ* go to kọndopọ mẹ hẹ Klisti Jesu,+ kẹdẹdile yẹn to mẹplọn to filẹpo to agun lẹpo mẹ do.
18 Mẹdelẹ nọ gbọn kikla dali yigo taidi dọ yẹn ma ja mì dè wẹ nkọ.
19 Ṣigba, eyin Jehovah* jlo, yẹn na wá mì dè to madẹnmẹ, podọ yẹn ma jlo na yọ́n hodidọ mẹhe nọ gbọn kikla dali yigo lẹ tọn gba, adavo huhlọn yetọn.
20 Na Ahọluduta Jiwheyẹwhe tọn ma sinai do hodidọ ji gba, ṣigba do huhlọn ji.
21 Etẹwẹ mìwlẹ jlo? Be yẹn ni wá mì dè po opò de po wẹ,+ kavi po owanyi po, podọ to gbigbọ walọmimiọn tọn mẹ?
Nudọnamẹ Odò Tọn
^ Kavi “mẹmẹglọ.”
^ Kavi “yè nọ linú mí mapote.”
^ To paa mẹ, “podọ mí to omẹ́.”
^ To paa mẹ, “mí nọ vẹvẹ.”
^ Kavi “anademẹtọ.”
^ To paa mẹ, “aliho ṣie lẹ.”
