Amọsi 1:1-15
1 Ohó Amọsi* tọn lẹ, yèdọ mẹhe tin to lẹngbọyìntọ Tekoa tọn lẹ mẹ,+ he ewọ mọyi to numimọ mẹ gando Islaeli go to azán Ahọlu Uzia+ Juda tọn lẹ gbè podọ to azán Jeloboami,+ visunnu Joaṣi,+ ahọlu Islaeli tọn lẹ tọn gbè, owhe awe jẹnukọnna aigba sisọsisọ lọ.+
2 E dọmọ:
“Jehovah na lì sọn Ziọni,E nasọ ze ogbè etọn daga sọn Jelusalẹm.
Kanlindugbo lẹngbọhọtọ lẹ tọn na biọ aluẹmẹ,Aga pete Kalmẹli tọn nasọ hú.”+
3 “Nuhe Jehovah dọ die,‘“Na gufinfọn* Damasku tọn atọ̀n wutu, podọ na gufinfọn ẹnẹ wutu, yẹn ma na gọ̀ alọ ṣie dogodo,Na yé yí nuyizan jinukun fiflé tọn gànyuu tọn lẹ do tùn Giliadi wutu.+
4 Enẹwutu, yẹn na do miyọ́n de hlan owhé Hazaẹli tọn ji,+Bọ e na fiọ atọ̀họ̀ gángán Bẹni-hadadi tọn lẹ.+
5 Yẹn na wẹ́n dòtin Damasku tọn lẹ;+N’na và mẹhe nọ nọ̀ Bikati-aveni lẹ sudoGọna mẹhe to gandu* sọn Bẹti-edẹni;Podọ omẹ Silia tọn lẹ na yì kanlinmọgbenu to Kili,”+ wẹ Jehovah dọ.’
6 Nuhe Jehovah dọ die,‘“Na gufinfọn Gaza tọn atọ̀n wutu,+ podọ na gufinfọn ẹnẹ wutu, yẹn ma na gọ̀ alọ ṣie dogodo,Na yé bẹ pipli blebu mẹhe to kanlinmọgbenu lẹ tọn+ nado jo yé hlan Edomi wutu.
7 Enẹwutu, n’na do miyọ́n de hlan adó Gaza tọn ji,+Bọ e na fiọ atọ̀họ̀ gángán etọn lẹ.
8 N’na và mẹhe nọ nọ̀ Aṣidọdi lẹ sudo,+Gọna mẹhe to gandu* sọn Aṣikelọni;+N’na lilẹ́ alọ ṣie sọta Eklọni,+Filistinu he pò lẹ nasọ dọ̀n,”+ wẹ Oklunọ Nupojipetọ Jehovah dọ.’
9 Nuhe Jehovah dọ die,‘Na gufinfọn Tile tọn atọ̀n wutu,+ podọ na gufinfọn ẹnẹ wutu, yẹn ma na gọ̀ alọ ṣie dogodo,Na yé jo pipli blebu mẹhe to kanlinmọgbenu lẹ tọn hlan Edomi,Podọ na yé ma flin alẹnu nọvi-nọvi tọn wutu.+
10 Enẹwutu, n’na do miyọ́n de hlan adó Tile tọn ji,Bọ e na fiọ atọ̀họ̀ gángán etọn lẹ.’+
11 Nuhe Jehovah dọ die,‘Na gufinfọn Edomi tọn atọ̀n wutu,+ podọ na gufinfọn ẹnẹ wutu, yẹn ma na gọ̀ alọ ṣie dogodo,Na ewọ dómọna nọvisunnu etọn titi po ohí po,+Podọ na e gbẹ́ nado do lẹblanu hia wutu;E to yé vúnvún mapote to homẹgble etọn mẹ,E sọ to adidu do yé go madoalọte.+
12 Enẹwutu, n’na do miyọ́n de hlan Temani,+Bọ e na fiọ atọ̀họ̀ gángán Bozla tọn lẹ.’+
13 Nuhe Jehovah dọ die,‘“Na gufinfọn Amọninu lẹ tọn atọ̀n wutu,+ podọ na gufinfọn ẹnẹ wutu, yẹn ma na gọ̀ alọ ṣie dogodo,Na yé zẹ̀ adọ̀ na yọnnu hohonọ Giliadi tọn lẹ nado hẹn aigba yetọn gblodeji.+
14 Enẹwutu, n’na do miyọ́n de hlan adó Laba tọn ji,+Bọ e na fiọ atọ̀họ̀ gángán etọn lẹ,Po awhágbe awhàn tọn de po to azán awhàn tọn gbè,Po jẹhọn-ahizi de po to azán yujẹhọn tọn gbè.
15 Ahọlu yetọn nasọ yì kanlinmọgbenu to pọmẹ hẹ ahọvi etọn lẹ,”+ wẹ Jehovah dọ.’
Nudọnamẹ Odò Tọn
^ Zẹẹmẹdo “Yin Agbàn” kavi “Agbàn Hinhẹn.”
^ Kavi “sẹ́nhẹngba.”
^ To paa mẹ, “mẹhe hẹn ogánpò.”
^ To paa mẹ, “mẹhe hẹn ogánpò.”
