Amọsi 6:1-14
6 “Dindọn na mẹhe dejido yede go* to Ziọni lẹ,Na mẹhe tindo numọtolanmẹ hihọ́ tọn to osó Samalia tọn ji lẹ,+Yèdọ omẹ nukundeji akọta he yin tọ́ntlọ́ngbọ́n to akọta lẹ mẹ tọn lẹ,Yé mẹhe dè owhé Islaeli tọn nọ wá lẹ!
2 Mì dasá jẹ Kalne bo pọ́n.
Mì tọ́n sọn finẹ yì Hamati Daho lọ,+Mì sọ jẹte yì Gati Filistinu lẹ tọn.
Be yé pọnte hú ahọluduta ehelẹ* wẹ ya,Kavi be aigba yetọn gblo hú mìtọn wẹ ya?
3 Be mì to azán nugbajẹmẹji tọn lọ desọn ayiha mìtọn mẹ+
Bo to gandudu* danuwiwa tọn de hẹnwa wẹ ya?+
4 Yé nọ mlọnai do akanma ajinnakú-dú tọn+ lẹ ji bo nọ kànflẹmẹ do adọzan lẹ ji,+Bo nọ to agbò he to lẹngbọpa lọ mẹ lẹ po oyìnvu dojó* lẹ po dù;+
5 Yé nọ pà ohàn sọgbe hẹ nudidọ ajalẹn* tọn,+Podọ taidi Davidi, yé nọ wleawuna hànjinu lẹ na yede;+
6 Yé nọ nù ovẹn sọn kọfo he gọfla lẹ mẹ+Bo nọ sá amì dagbe hugan lẹ.
Ṣigba, nugbajẹmẹji Josẹfu tọn ma nọ duahunmẹna yé.*+
7 Enẹwutu, nukọn mẹhe jei kanlinmọgbenu lẹ tọn wẹ yé na zọ̀n do yì kanlinmọgbenu,+Podọ paṣadudu mẹhe kànflẹmẹ lẹ tọn na wá opodo.
8 ‘Oklunọ Nupojipetọ Jehovah ko yí edetiti* do whlé,’+ wẹ Jehovah Jiwheyẹwhe awhànpa lẹ tọn dọ,‘“Yẹn gbẹwanna goyiyi Jakọbu tọn,+N’gbẹwanna atọ̀họ̀ gángán etọn lẹ,+Yẹn nasọ jo tòdaho lọ po nuhe gọ́ e mẹ lẹ po na kẹntọ etọn lẹ.+
9 “‘“Eyin sunnu ao yin jijodo owhé de gbè, yelọsu na kú ga.
10 Hẹnnumẹ* de na wá nado bẹ yé tọ́n bo fiọ yé debọdo-dego. E na bẹ ohú yetọn lẹ tọ́n sọn owhé lọ gbè; enẹgodo e na kanse mẹdevo depope he tin to abò owhé lọ tọn de mẹ dọ dọ, ‘Mẹde gbẹ́ pò to dè we wẹ ya?’ Ewọ nasọ gblọn dọmọ, ‘Mẹde ma pò!’ Ewọ nasọ dọ dọ, ‘Nabọẹ! Na e ma yin ojlẹ lọ die nado donù oyín Jehovah tọn go.’”
11 Na Jehovah wẹ degbe,+Podọ ewọ na gbà owhé daho lẹ kija,Bo na hányán owhé pẹvi lẹ.+
12 Be osọ́ lẹ nọ họ̀nwezun to osó ji wẹ ya,Kavi be mẹde sọgan yí oyìn do jlo finẹ wẹ ya?
Na mì ko diọ whẹdida dodo zun atin adínọ,Podọ sinsẹ́n dodowiwa tọn zun vivẹ́.+
13 Mì nọ jaya gando onú ovọ́ go,Mì sọ nọ dọ dọ, “Be huhlọn mítọn titi ma ko hẹn mí zun huhlọnnọ* ya?”+
14 Enẹwutu, owhé Islaeli tọn E, yẹn na hẹn akọta de wá ji we,’+ wẹ Jehovah Jiwheyẹwhe awhànpa lẹ tọn dọ,‘Yé nasọ gbidikọna mì sọn Lebo-hamati*+ kaka yì Agbàdo Tọ̀sisa tọn* Alaba tọn mẹ.’”
Nudọnamẹ Odò Tọn
^ Kavi “mẹhe yin vọdonanutọ.”
^ E họnwun dọ ehe to alọdlẹndo ahọluduta Juda po Islaeli po tọn lẹ.
^ To paa mẹ, “oján.”
^ Kavi “oyìnsú winyanwinyan.”
^ Kavi “hànjinu okànnọ.”
^ To paa mẹ, “ma nọ doazọ̀n yé.”
^ Kavi “alindọn ede tọn.”
^ To paa mẹ, “Tavẹ.”
^ To paa mẹ, “hẹn mí nado ze azò na míde.”
^ Kavi “họntonu Hamati tọn.”
