Howhinwhẹn lẹ 10:1-32
10 Howhinwhẹn Sọlomọni tọn lẹ.+
Visunnu nuyọnẹntọ nọ hẹn homẹ otọ́ etọn tọn hùn,+Ṣigba, visunnu nulunọ nọ hẹn onọ̀ etọn blawu.
2 Adọkun he yin tintindo gbọn kanyinylan dali ma nọ hẹn ale depope wá,Ṣigba, dodowiwa wẹ nọ whlẹnmẹ sọn okú si.+
3 Jehovah ma na jo dodonọ* do huvẹ+Ṣigba, ewọ na tẹ̀ mẹylankan lẹ nuhe yé to jijlo vẹkuvẹku.
4 Alọ he wàdidọ na hẹnmẹ biọ ohẹ́n mẹ,+Ṣigba, alọ he nọ dovivẹnu nọ hẹnmẹ jẹ adọkun.+
5 Visunnu he nọ yinuwa po zinzin po nọ bẹ jinukun pli to alunlun mẹ,Ṣigba, visunnu he nuyiwa etọn huwinyan nọ damlọn yìkànmẹ to jibẹwawhé whenu.+
6 Dona lẹ nọ tin to ota na dodonọ,+Ṣigba, onù mẹylankan tọn nọ yí danuwiwa whlá.
7 Oyín dagbe dodonọ tọn nọ hẹn dona wá,+Ṣigba, oyín mẹylankan lẹ tọn na gble.+
8 Mẹhe yin nuyọnẹntọ na nọ kẹalọyi anademẹ,*+Ṣigba, mẹhe nọ yí nulú do dọho na yin zinzindai.+
9 Mẹhe nọ zinzọnlin to tenọgli mẹ na nọ zinzọnlin to hihọ́ mẹ,+Ṣigba, mẹhe hẹn aliho etọn lẹ gbán na wá yin yinyọnẹn.+
10 Mẹhe nọ gbọn oklọ dali whè nukun nọ hẹn awubla wá,+Podọ mẹhe nọ yí nulú do dọho na yin zinzindai.+
11 Asisa ogbẹ̀ tọn wẹ onù dodonọ tọn,+Ṣigba, onù mẹylankan tọn nọ yí danuwiwa whlá.+
12 Wangbẹna wẹ nọ hẹn wiwọ́ wá,Ṣigba, owanyi nọ ṣinyọnnudo nuṣiwa lẹpo.+
13 Nuyọnẹn nọ yin mimọ to nùflo mẹhe tindo wuntuntun tọn ji,+Ṣigba, opò wẹ tin na nẹgbé mẹhe zinzin* whèdo lẹ tọn.+
14 Nuyọnẹntọ lẹ nọ yí oyọnẹn whlá,+Ṣigba, onù nulunọ lẹ tọn nọ hẹn gbakija wá.+
15 Adọkun* wẹ yin tòdaho gángán adọkunnọ de tọn.
Gbakija wamọnọ lẹ tọn wẹ ohẹ́n yetọn.+
16 Nuwiwa dodonọ tọn nọ dekọtọn do ogbẹ̀ mẹ;Ṣigba, sinsẹ́n mẹylankan tọn nọ dekọtọn do ylando mẹ.+
17 Mẹhe nọ kẹalọyi mẹplọnlọ nọ lẹzun ali ogbẹ̀ tọn* na mẹdevo lẹ,Ṣigba, mẹhe nọ dovọ́na wọhẹ nọ hẹn mẹdevo lẹ danbú.
18 Mẹhe nọ whlá wangbẹna etọn nọ dolalo,+Podọ nulunọ wẹ mẹhe nọ hẹn linlin* ylankan gbayipe.
19 Eyin ohó sù, nuṣiwa ma nọ hán,+Ṣigba, mẹdepope he nọ dava nùflo etọn nọ yinuwa po nuyọnẹn po.+
20 Odẹ́ dodonọ tọn taidi fataka dagbe hugan,+Ṣigba, ahun mẹylankan tọn ma họakuẹ sọmọ.
21 Nùflo dodonọ tọn nọ na núdùdù* mẹsusu,+Ṣigba, nulunọ nọ kú, na zinzin whèdo e wutu.+
22 Dona Jehovah tọn wẹ nọ hẹnmẹ wàdọkun,+Ewọ masọ nọ yí awufiẹsa* depope dogọ ẹ.
23 Na nulunọ, aihun wẹ e yin nado doalọ to walọ he huwinyan mẹ,Ṣigba, nuyọnẹn tin to mẹhe tindo wuntuntun si.+
24 Nuhe mẹylankan nọ dibuna wẹ na wá e ji;Ṣigba, nuhe dodonọ jlo wẹ na yin nina ẹn.+
25 Whenue yujẹhọn juwayi, mẹylankan na busẹ,+Ṣigba, dodonọ taidi dodonu he na hẹnai kakadoi.+
26 Lehe ovẹn vẹsin te na adú podọ lehe azọ̀ te na nukun,Mọ wẹ adidọnọ te na mẹhe zọnnú in.*
27 Budisi Jehovah nọ namẹ gbẹ̀gaa,+Ṣigba, owhe mẹylankan tọn na yin sinsán dogli.+
28 Nukundido* dodonọ tọn nọ hẹn ayajẹ wá,+Ṣigba, todido mẹylankan tọn na sudo.+
29 Aliho Jehovah tọn yin figángán de na madoblọnọ,+Ṣigba, gbakija wẹ e nọ zẹẹmẹdo na ylanwatọ lẹ.+
30 Dodonọ ma na yin zinzindai gbede,+Ṣigba, mẹylankan ma nasọ nọ aigba ji ba.+
31 Nuyọnẹn wẹ nọ tọ́n sọn* onù dodonọ tọn mẹ,Ṣigba, odẹ́ he gblezọn na yin sinsánsẹ.
32 Nùflo dodonọ tọn lẹ yọ́n nuhe yọ́n,Ṣigba, onù mẹylankan tọn gblezọn.
Nudọnamẹ Odò Tọn
^ Kavi “alindọn dodonọ tọn.”
^ To paa mẹ, “gbedide.”
^ To paa mẹ, “ahun.”
^ Kavi “Nuhọakuẹ lẹ.”
^ Kavi vlavo, “tin to ali ogbẹ̀ tọn ji.”
^ Kavi “yèdọ-yèdọ.”
^ Kavi “nọ deanana.”
^ Kavi “awubla; nuhahun.”
^ Kavi “na azọ́nmẹyimẹdotọ etọn.”
^ Kavi “Todido.”
^ Kavi “wẹ yin sinsẹ́n he nọ tọ́n sọn.”
