Howhinwhẹn lẹ 11:1-31
11 Osùnú de wẹ nujlẹgàn oklọ* tọn lẹ yin na Jehovah,Ṣigba, nujlẹnu he sọgbe* nọ yin homẹhunnu de na ẹn.+
2 Whenue sakla wá, winyan wẹ nọ bọdego,+Ṣigba, nuyọnẹn tin to whiwhẹnọ lẹ dè.+
3 Tenọgli nugbonọ lẹ tọn wẹ nọ deanana yé,+Ṣigba, oklọ mẹklọtọ lẹ tọn wẹ na và yé sudo.+
4 Adọkun* ma na hẹn ale de wá to azán homẹgble tọn gbè,+Ṣigba, dodowiwa wẹ na whlẹnmẹ sọn okú si.+
5 Dodowiwa mẹhe madoblọ tọn nọ hẹn ali etọn jlọ,Ṣigba, mẹylankan na jai, na kanyinylan etọn titi wutu.+
6 Dodowiwa nugbonọ lẹ tọn wẹ na whlẹn yé,+Ṣigba, mẹklọtọ lẹ na yin wiwle gbọn ojlo yetọn titi lẹ dali.+
7 Eyin mẹylankan de kú, todido etọn nọ sudo;Podọ nukundido he sinai do huhlọn etọn ji lẹ lọsu nọ sudo.+
8 Dodonọ nọ yin whinwhlẹn sọn ayimajai mẹ,Bọ mẹylankan nọ jẹ otẹn etọn mẹ.+
9 Atẹṣitọ* nọ yí onù etọn do hẹn husudo wá na kọmẹnu etọn,Ṣigba, dodonọ nọ yin whinwhlẹn gbọn oyọnẹn dali.+
10 Dagbewà dodonọ tọn nọ hẹn tòdaho de jaya,Podọ whenue mẹylankan dọ̀n, awhágbe ayajẹ tọn nọ tin.+
11 Na dona nugbonọ tọn wutu, tòdaho de nọ yin zizedaga,+Ṣigba, onù mẹylankan tọn nọ họ́ ẹ liai.+
12 Mẹdepope he zinzin* whèdo nọ vlẹ kọmẹnu etọn kò,Ṣigba, mẹhe tindo wuntuntun nugbo nọ gbọṣi abọẹ.+
13 Mẹhẹngbletọ nọ to yìyì pé bo nọ to aṣlihó lẹ dehia,+Ṣigba, mẹhe go yè sọgan dejido* nọ hẹn aṣli.*
14 To whenue anademẹ nuyọnẹn tọn de ma tin, gbẹtọ lẹ nọ jai,Ṣigba, gbọn ayinamẹtọ susu gblamẹ wẹ kọdetọn dagbe* nọ tin.+
15 E họnwun dọ mẹdepope he yí ede do basi alọyitọ na jonọ de nado yàn, na wá biọ nuhahun mẹ,+Ṣigba, mẹdepope he dapana* alọ nina mẹde nado yin alọyitọ etọn na vò.
16 Yọnnu homẹdagbenọ nọ mọ gigo yí,+Ṣigba, sunnu danuwatọ lẹ nọ hò adọkunnu lẹ yí.
17 Homẹdagbenọ* nọ hẹn ale wá na ede,*+Ṣigba, kanylantọ nọ hẹn nuhahun* wá ede ji.+
18 Mẹylankan nọ yí azọ́nkuẹ oklọ tọn lẹ,+Ṣigba, mẹhe nọ do dodowiwa nọ mọ ale nugbo yí.+
19 Mẹhe nọ ze teninọ gligli na dodowiwa tin to hukan ji na ogbẹ̀,+Ṣigba, mẹhe nọ to wezunhọ̀n to godo na oylan tin to hukan ji na okú.
20 Osùnú de wẹ ayiha gbíngbánnọ lẹ yin na Jehovah,+Ṣigba, mẹhe aliho yetọn madoblọ lẹ nọ hẹn homẹhun in.+
21 Ehe ni họnwun na we dọ:* Mẹylankan ma na nọma yin yasana,+Ṣigba, ovi dodonọ tọn lẹ na họ̀ngán.
22 Yọnnu whanpẹnọ he nọ gbẹkọ zinzin goTaidi alọkẹ sika tọn to awọntin ohàn de tọn mẹ.
23 Ojlo dodonọ tọn nọ dekọtọn do dagbe mẹ,+Ṣigba, todido mẹylankan tọn nọ dekọtọn do homẹgble mẹ.
24 Mẹde nọ yí alọtútlú do namẹ* bo nọ tindo susugege to godo mẹ;+Mẹdevo nọ tẹ̀ gbẹtọ lẹ nuhe e dona na yé, ṣigba ohẹ́n mẹ wẹ e nọ wá dekọtọn do na ẹn.+
25 Alọtlútọ* na tindo kọdetọn dagbe,*+Podọ mẹdepope he nọ fakọna mẹdevo lẹ* na yin kọfana ga.+
26 Gbẹtọ lẹ na nọ hodẹ̀do mẹhe nọ gbẹ́ nado sà jinukun etọn namẹ,Ṣigba, yé na nọ dona mẹhe sà ẹ na yé.
27 Mẹhe nọ dovivẹnu vẹkuvẹku nado wà dagbe to nukundagbe dín,+Ṣigba, mẹhe to oylan dín—e họnwun dọ oylan wẹ e na mọ.+
28 Mẹhe to jidedo adọkunnu etọn lẹ go na jai,+Ṣigba, dodonọ na vùn di amakikọ.+
29 Mẹdepope he nọ hẹn nuhahun* wá whédo etọn ji na dugu jẹhọn tata tọn,+Podọ nulunọ wẹ na yin devi na nuyọnẹntọ.
30 Sinsẹ́n dodonọ tọn wẹ atin ogbẹ̀ tọn de,+Podọ nuyọnẹntọ wẹ mẹhe nọ diọlinlẹnna gbẹtọ lẹ nado wà dagbe.+
31 Eyin dodonọ aigba ji tọn lẹ mọ ahọsumẹ yí nugbonugbo,Nẹmunẹmu wẹ na yin mẹylankan po ylandonọ po tọn!+
Nudọnamẹ Odò Tọn
^ Kavi “zannu nujijlẹ tọn he pé.”
^ Kavi “mẹtitafu.”
^ Kavi “Nuhọakuẹ lẹ.”
^ Kavi “Omẹ jijọ-madi-Jiwheyẹwhe tọn.”
^ To paa mẹ, “ahun.”
^ To paa mẹ, “mẹhe yin nugbonọ to gbigbọ mẹ.”
^ To paa mẹ, “nọ ṣinyọnnudo whẹho de.”
^ Kavi “whlẹngán.”
^ To paa mẹ, “gbẹwanna.”
^ Kavi “Mẹhe tindo owanyi nugbo.”
^ Kavi “nọ wà dagbe na alindọn ede tọn.”
^ Kavi “winyan.”
^ To paa mẹ, “Alọ to alọmẹ.”
^ To paa mẹ, “nọ vúnvún pé.”
^ Kavi “Alindọn he yin alọtlútọ.”
^ To paa mẹ, “na yin hinhẹn dojó.”
^ To paa mẹ, “nọ húsinna mẹdevo lẹ to gigọ́ mẹ.”
^ Kavi “winyan.”
