Jọṣua 19:1-51
19 Enẹgodo, mimá awetọ+ yin nina Simeoni gbọn ovò dide dali, yèdọ hẹnnu Simeoni tọn+ sọgbe hẹ whẹndo yetọn lẹ. Podọ ogú yetọn tin to ogú Juda tọn ṣẹnṣẹn.+
2 Ogú yetọn bẹ tòdaho ehelẹ hẹn, yèdọ Beẹli-ṣeba+ po Ṣeba po, Molada,+
3 Hazali-ṣuali,+ Bala, Ẹzemi,+
4 Ẹltoladi,+ Bẹtuli, Họlma,
5 Ziklagi,+ Bẹti-malkabọti, Hazali-susa,
6 Bẹti-lebaọti+ po Ṣaluheni po—tòdaho 13 po gbétatò yetọn lẹ po;
7 Aini, Limọni, Ẹteli po Aṣani po+—tòdaho ẹnẹ po gbétatò yetọn lẹ po;
8 gọna gbétatò he lẹdo tòdaho ehelẹ pé lẹpo kakajẹ Baalati-beẹli, yèdọ Lama he to hùwaji. Ogú hẹnnu Simeoni tọn sọgbe hẹ whẹndo yetọn lẹ niyẹn.
9 Ogú kúnkan Simeoni tọn lẹ tọn yin kinkán sọn mimá he yin nina Juda go, na mimá he yin nina Juda lọ klo gbau na yé. Enẹwutu wẹ kúnkan Simeoni tọn lẹ do mọ nutindo de yí to ogú yewlẹ tọn ṣẹnṣẹn.+
10 Enẹgodo, mimá atọ̀ntọ+ yin nina kúnkan Zebuluni tọn lẹ+ gbọn ovò dide dali sọgbe hẹ whẹndo yetọn lẹ, podọ dogbó ogú yetọn tọn yì kakajẹ Salidi.
11 Dogbó yetọn hẹji pànta whèyihọ-waji yì Maleali bo dlẹnkan yì Dabeṣeti bosọ dlí yì agbàdo* he pannukọn Jọkneami lọ kọ̀n.
12 E sọ tọ́n sọn Salidi dedo whèzẹtẹn-waji yì dogbó Kislọti-taboli tọn ji bosọ gbọnmọ yì Dabelati+ bo hẹji yì Jafia.
13 E sọ tọ́n sọn finẹ yì whèzẹtẹn-waji to Gati-hẹfeli+ yì Eti-kazini, bo gbọnmọ yì Limọni, bosọ dlẹnkan yì Nea.
14 Podọ to agewaji, dogbó lọ lilẹ́ yì Hannatoni, bo nọte do Agbàdo Iftahi-eli tọn kọ̀n,
15 gọna Katati, Nahalali, Ṣimloni,+ Idala po Bẹtlẹhẹm+ po—tòdaho 12 po gbétatò yetọn lẹ po.
16 Ogú kúnkan Zebuluni tọn lẹ tọn sọgbe hẹ whẹndo yetọn lẹ niyẹn.+ Ehelẹ wẹ tòdaho lọ lẹ po gbétatò yetọn lẹ po.
17 Mimá ẹnẹtọ+ yin nina Isakali+ gbọn ovò dide dali, yèdọ kúnkan Isakali tọn lẹ sọgbe hẹ whẹndo yetọn lẹ.
18 Dogbó yetọn sọ wẹ Jezleẹli,+ Kesulọti, Ṣunẹmi,+
19 Hafalaimi, Ṣiọni, Anahalati,
20 Labiti, Kiṣiọni, Ebezi,
21 Lemẹti, Ẹn-gannimi,+ Ẹn-hada po Bẹti-pazezi po.
22 Dogbó lọ sọ dlẹnkan yì Taboli,+ Ṣahazuma po Bẹti-ṣemẹṣi po, podọ dogbó yetọn nọte do Jọdani—tòdaho 16 po gbétatò yetọn lẹ po.
23 Ogú hẹnnu Isakali tọn sọgbe hẹ whẹndo yetọn lẹ niyẹn,+ yèdọ tòdaho lọ lẹ po gbétatò yetọn lẹ po.
24 Enẹgodo, mimá atọ́ntọ+ yin nina hẹnnu Aṣeli tọn+ gbọn ovò dide dali sọgbe hẹ whẹndo yetọn lẹ.
25 Dogbó yetọn sọ wẹ Hẹlkati,+ Hali, Betẹni, Akṣafi,
26 Alamelẹki, Amadi po Miṣali po. E dlẹnkan yì Kalmẹli+ to whèyihọ-waji podọ yì Ṣiholi-libnati,
27 e sọ lẹkọ pànta whèzẹtẹn-waji yì Bẹti-dagọni, bo dlẹnkan yì Zebuluni po Agbàdo Iftahi-eli tọn po to agewaji, podọ yì Bẹti-emẹki po Neiẹli po, bo gbọnmọ yì Kabuli to amiyọnwhé,
28 podọ yì Eblọni, Lehobi, Hamọni po Kanahi po kakajẹ Sidoni+ Daho lọ.
29 Dogbó lọ sọ lilẹ́ yì Lama podọ kaka yì tòdaho gángán Tile+ tọn mẹ. Enẹgodo, dogbó lọ lilẹ́ yì Hosa, bo nọte do ohù lọ kọ̀n, yèdọ agbegbe he ji Akzibi,
30 Uma, Afẹki+ po Lehobi+ po tin te—tòdaho 22 po gbétatò yetọn lẹ po.
31 Ogú hẹnnu Aṣeli tọn sọgbe hẹ whẹndo yetọn lẹ niyẹn.+ Ehelẹ wẹ tòdaho lọ lẹ po gbétatò yetọn lẹ po.
32 Mimá ṣidopotọ+ yin nina kúnkan Naftali tọn lẹ gbọn ovò dide dali, yèdọ kúnkan Naftali tọn lẹ sọgbe hẹ whẹndo yetọn lẹ.
33 Dogbó yetọn sọ bẹsọn Helẹfi po atin daho he to Zaanannimi+ po kọ̀n, bo yì Adami-nekebi po Jabneẹli po kaka yì Lakumi; dogbó lọ sọ nọte do Jọdani.
34 Dogbó lọ sọ lẹkọ pànta whèyihọ-waji yì Aznọti-taboli bo tọ́n sọn finẹ yì Hukọki bo dlẹnkan yì Zebuluni to hùwaji podọ yì Aṣeli to whèyihọ-waji, bosọ yì Juda to whèzẹtẹn-waji to Jọdani.
35 Podọ tòdaho gángán lọ lẹ wẹ Zidimi, Zeli, Hamati,+ Lakati, Kinnelẹti,
36 Adama, Lama, Hazọli,+
37 Kedẹṣi,+ Edlẹi, Ẹn-hazọli,
38 Yilọni, Migdali-eli, Holẹmi, Bẹti-anati po Bẹti-ṣemẹṣi po+—tòdaho 19 po gbétatò yetọn lẹ po.
39 Ogú hẹnnu Naftali tọn sọgbe hẹ whẹndo yetọn lẹ niyẹn,+ yèdọ tòdaho lọ lẹ po gbétatò yetọn lẹ po.
40 Mimá ṣinawetọ+ yin nina hẹnnu Dani+ tọn gbọn ovò dide dali sọgbe hẹ whẹndo yetọn lẹ.
41 Podọ dogbó ogú yetọn tọn wẹ Zola,+ Eṣitaoli, Ili-ṣemẹṣi,
42 Ṣaalabini,+ Aijalọni,+ Itla,
43 Elọni, Timna,+ Eklọni,+
44 Ẹlteke, Gibetọni,+ Baalati,
45 Jehudi, Bene-belaki, Gati-limọni,+
46 Me-jalkọni po Lakọni po, bọ dogbó lọ pannukọn Jọpa.+
47 Ṣigba, aigba Dani tọn whè gbau na yé.+ Enẹwutu, yé hẹji yì bo funawhàn hẹ Leṣẹmi+ bosọ yí i bo yí ohí do hù mẹhe nọ nọ̀ e mẹ lẹ. Enẹgodo, yé yí i bo nọ nọ̀ e mẹ, podọ yé diọ oyín Leṣẹmi tọn zun Dani, sọgbe hẹ oyín tọgbo yetọn Dani tọn.+
48 Ogú hẹnnu Dani tọn sọgbe hẹ whẹndo yetọn lẹ niyẹn. Ehelẹ wẹ tòdaho lọ lẹ po gbétatò yetọn lẹ po.
49 Gbọnmọ dali, yé dotana aigba lọ mimá di ogú de. Enẹgodo, Islaelivi lẹ na ogú de Jọṣua visunnu Nuni tọn to ṣẹnṣẹn yetọn.
50 Dile Jehovah degbe etọn do, yé na ẹn tòdaho lọ he ewọ biọ, yèdọ Timnati-sela+ to lẹdo osó tọn Eflaimi tọn mẹ, ewọ sọ gbá tòdaho lọ bo nọ nọ̀ finẹ.
51 Ehelẹ wẹ ogú he Eleazali yẹwhenọ lọ, Jọṣua visunnu Nuni tọn gọna nukọntọ whédo otọ́ hẹnnu Islaeli tọn lẹ tọn má+ gbọn ovò dide dali to Ṣilo+ to Jehovah nukọn, to họntonu gòhọ opli tọn lọ tọn.+ Mọ wẹ yé má aigba lọ fó do.
