Jakọbu 5:1-20
5 Mì wá todin, mì adọkunnọ lẹ, mì viavi bo doavihàn na awubla he ja mì ji lẹ wutu.+
2 Adọkunnu mìtọn lẹ ko yọ̀n, podọ okọ́ ko dù avọ̀ mìtọn.+
3 Sika po fataka mìtọn po ko jẹkò pete, podọ kòjijẹ yetọn na yin kunnudenu de sọta mì bo nasọ dù agbasalan mìtọn. Nuhe mì ko bẹpli lẹ na taidi miyọ́n de to azán godo tọn lẹ mẹ.+
4 Mì pọ́n! Azọ́nkuẹ he mì gbẹ́ súsú azọ́nwatọ he gbẹ̀n jinukun to ogle mìtọn mẹ lẹ to awhádo madoalọte, podọ Jehovah* awhànpa lẹ tọn ko sè awhágbe gbingbẹ̀ntọ lẹ tọn na alọgọ.+
5 Mì ko zan gbẹzan fẹẹmẹninọ tọn bo ko pò na gbẹ̀fẹdudu to aigba ji. Mì ko hẹn ahun mìtọn lẹ dojó etlẹ yin to hùhù zangbe.+
6 Mì ko gblewhẹdomẹ; mì ko hù dodonọ lọ. Be ewọ ma to agọjẹdo mì ya?
7 Enẹwutu, mẹmẹsunnu lẹ emi, mì fahomẹ kakajẹ tintin tofi Oklunọ tọn whenu.+ Mì pọ́n! Glesi nọ to tenọpọn sinsẹ́n họakuẹ aigba tọn zọnmii bo nọ yí homẹfa do nọtepọn ẹn kaka jikun tintan po jikun godo tọn po nado ja.+
8 Mìwlẹ lọsu ga, mì nọ yí homẹfa zan;+ mì hẹn ahun mìtọn lẹ lodo, na tintin tofi Oklunọ tọn ko dọnsẹpọ.+
9 Mẹmẹsunnu lẹ emi, mì hlún* sọta ode awetọ blo, na mì nikaa yin whẹdana.+ Mì pọ́n! Whẹdatọ lọ to ote to ohọ̀n lẹ ji.
10 Mẹmẹsunnu lẹ emi, mì yí yẹwhegán he dọho to oyín Jehovah* tọn mẹ lẹ di ohia oyà kanyinylan tọn jiji+ po homẹfa yiyizan+ po tọn.+
11 Mì pọ́n! Mí nọ pọ́n mẹhe ko doakọnnanu lẹ hlan di ayajẹnọ.*+ Mì ko sè gando akọndonanu Jobu tọn go+ bo ko sọ mọ kọdetọn he Jehovah* hẹnwa,+ dọ Jehovah* tindo owanyi sisosiso* bosọ yin lẹblanunọ.+
12 Hú popolẹpo, mẹmẹsunnu ṣie lẹ emi, mì doalọtena whiwhle, vlavo gbọn olọn kavi aigba dali, kavi gbọn whiwhle devo depope dali. Ṣigba, mì dike “Mọwẹ” mìtọn ni yin mọwẹ, podọ “Lala” mìtọn ni yin lala,+ na mì nikaa jẹna whẹdida.
13 Be mẹde to awusinyẹn mẹ to mì mẹ? Mì gbọ e ni nọ hodẹ̀.+ Be homẹ mẹde tọn hùn to mì mẹ? Mì gbọ e ni nọ ji salmu lẹ.+
14 Be mẹde to azọ̀njẹ to mì mẹ? Mì gbọ e ni ylọ mẹho agun tọn lẹ+ wá ede dè, na yé ni hodẹ̀ do e ji bo samisisana ẹn+ to oyín Jehovah* tọn mẹ.
15 Podọ odẹ̀ yise tọn na hẹn mẹhe to azọ̀njẹ* jẹgangan, Jehovah* nasọ jlọ ẹ dote. Humọ, eyin e ko wà ylando lẹ, ewọ na mọ jona yí
16 Enẹwutu, mì nọ yigbe ylando mìtọn lẹ tọn+ na ode awetọ to gbangba bo nọ hodẹ̀ na ode awetọ, na mì nido yin azọ̀nhẹngbọna. Ovẹ̀ dodonọ tọn nọ wazọ́n taun.*+
17 Gbẹtọ he tindo numọtolanmẹ taidi mítọn lẹ nkọ wẹ Elija, ṣogan whenue e hodẹ̀ vẹkuvẹku dọ jikun ni ma ja blo, jikun ma ja do aigba lọ ji na owhe atọ̀n po osun ṣidopo po.+
18 Enẹgodo, e sọ vọ́ hodẹ̀, bọ olọn ja jikun, aigba lọ sọ de sinsẹ́n tọ́n.+
19 Mẹmẹsunnu ṣie lẹ emi, eyin mẹdepope to mì mẹ yin hinhẹn danbú sọn nugbo lọ mẹ bọ mẹdevo hẹn ẹn gọwá,
20 mì yọnẹn dọ mẹdepope he hẹn ylandonọ de gọwá sọn alibubu etọn mẹ+ na whlẹn ẹn* sọn okú si bo nasọ ṣinyọnnudo ylando susugege.+
Nudọnamẹ Odò Tọn
^ Kavi “wẹnhun; wule.” To paa mẹ, “gbọ fìn in.”
^ Kavi “nọ vẹawumẹ taun.”
^ Kavi “donanọ.”
^ Kavi vlavo, “mẹhe nuṣikọna.”
^ To paa mẹ, “dohuhlọn taun whenue e to azọ́nwa.”
^ Kavi “alindọn etọn.”
