Salmu 107:1-43
107 Mì nọ dopẹna Jehovah, na ewọ yọ́n;+Owanyi nugbo etọn na gbọṣi aimẹ kakadoi.+
2 Mì gbọ mẹhe Jehovah ko fligọ lẹ ni dọ ehe,Yèdọ mẹhe ewọ fligọ sọn alọ* kẹntọ tọn mẹ lẹ,+
3 Mẹhe ewọ bẹpli sọn aigba voovo lẹ ji,+Sọn whèzẹtẹn-waji podọ sọn whèyihọ-waji,Sọn agewaji podọ sọn hùwaji.+
4 Yé flupe gbọn danfafa ji, yèdọ gbọn aigba gbọgbé ji;Yé ma mọ ali yì tòdaho de mẹ, fie yé sọgan nọ.
5 Huvẹ po nugbla po hù yé;Yé* sọ dakú na nuṣikọ wutu.
6 Yé to awhádo ylọ Jehovah mapote to ayimajai yetọn mẹ;+Ewọ sọ whlẹn yé sọn nukunbibia yetọn mẹ.+
7 E hẹn yé zinzọnlin gbọn aliho dagbe lọ ji+Kaka yì tòdaho de mẹ, fie yé sọgan nọ.+
8 Mì gbọ gbẹtọ lẹ ni nọ dopẹna Jehovah+ na owanyi nugbo etọnPodọ na azọ́njiawu etọn lẹ he e ko wà do gbẹtọvi lẹ tamẹ.+
9 Na ewọ ko hẹn pekọ wá na mẹhe* nugbla to hùhùBo ko sọ yí nudagbe lẹ do gọ́ho na mẹhe* huvẹ to hùhù.+
10 Mẹdelẹ to zinvlu gọ́ngọ́n mẹ,Bo to yaji taidi gàntọ to gẹdẹ lẹ mẹ.
11 Na yé ṣiatẹ sọta ohó Jiwheyẹwhe tọn;Yé ma na sisi ayinamẹ Gigogán lọ tọn.+
12 Enẹwutu, ewọ yí awusinyẹnnamẹnu lẹ do whiwhẹ ahun yetọn;+Yé sọ dahli, bo ma mọ alọgọtọ depope.
13 Yé dawhá ylọ Jehovah na alọgọ to ayimajai yetọn mẹ;Ewọ sọ whlẹn yé sọn nukunbibia yetọn mẹ.
14 E de yé sọn zinvlu gọ́ngọ́n mẹ,Bo wẹ́n gẹdẹ yetọn lẹ sẹ̀.+
15 Mì gbọ gbẹtọ lẹ ni nọ dopẹna Jehovah na owanyi nugbo etọn+Podọ na azọ́njiawu etọn lẹ he e ko wà do gbẹtọvi lẹ tamẹ.
16 Na ewọ ko gbà ohọ̀n gànvẹẹ tọn lẹ hányánBo sán dòtin gànyuu tọn lẹ.+
17 Yé yinuwa po nulú po bo yin yasana,+Na sẹ́nhẹngba po nuṣiwa yetọn lẹ po wutu.+
18 Nudepope ma yọ́n dù na yé;*Yé ko sọ dọnsẹpọ họngbo okú tọn lẹ.
19 Yé nọ dawhá ylọ Jehovah na alọgọ to ayimajai yetọn mẹ;Ewọ sọ nọ whlẹn yé sọn nukunbibia yetọn mẹ.
20 E nọ degbe bo nọ hẹnazọ̀ngbọna yé+Bosọ nọ whlẹn yé sọn odò he mẹ yé ko flẹ jẹ lọ lẹ mẹ.
21 Mì gbọ gbẹtọ lẹ ni nọ dopẹna Jehovah na owanyi nugbo etọnPodọ na azọ́njiawu etọn lẹ he e ko wà do gbẹtọvi lẹ tamẹ.
22 Mì gbọ yé ni nọ basi avọ́sinsan pẹdido tọn lẹ+Bo nọ yí awhágbe ayajẹ tọn do lá azọ́n etọn lẹ.
23 Mẹhe nọ basi gbejizọnlin gbọn ohù ji to tọjihun mẹ lẹ,Yèdọ mẹhe nọ wàjọ to ohù gblagada ji lẹ,+
24 Yé ko mọ azọ́n Jehovah tọn lẹGọna azọ́njiawu etọn lẹ to osin he siso lẹ mẹ;+
25 Lehe ewọ nọ degbe bọ yujẹhọn nọ fọ́n,+Bo nọ ze agbówhẹn ohù tọn lẹ daga do.
26 Yé nọ yin zize yiji jẹ agahomẹ;Yé sọ nọ yin hinhẹn jẹte yì hùzànmẹ.
Ahun yetọn nọ gbàdo,* na nugbajẹmẹji he to unklẹn lọ wutu.
27 Yé nọ zọ̀n gọ̀-gọ̀-gọ̀ bo nọ to sàmù di ahànnumunọ,Bọ azọ́nyinyọnẹn yetọn lẹpo nọ lẹzun ovọ́.+
28 Whenẹnu wẹ yé nọ dawhá ylọ Jehovah to ayimajai yetọn mẹ,+Ewọ sọ nọ whlẹn yé sọn nukunbibia yetọn mẹ.
29 E nọ whiwhẹ yujẹhọn lọ;Agbówhẹn ohù tọn lẹ nọ nabọẹ whii.+
30 To whenue onú ehelẹ nọte guun, yé nọ jaya,Bọ ewọ nọ deanana yé yì tọjihun-glintẹn he jlo yé.
31 Mì gbọ gbẹtọ lẹ ni nọ dopẹna Jehovah na owanyi nugbo etọnPodọ na azọ́njiawu etọn lẹ he e ko wà do gbẹtọvi lẹ tamẹ.+
32 Mì gbọ yé ni nọ pà ẹ to agun gbẹtọ lẹ tọn ṣẹnṣẹn,+Yé nisọ nọ pà ẹ to pipli* mẹho lẹ tọn ṣẹnṣẹn.
33 Ewọ nọ diọ tọ̀sisa lẹ zun danfafaPodọ asisa osin tọn lẹ zun aigba húhú,+
34 Yèdọ aigba sinsẹ́nnọ zun aigba gbọgbé he gọ́ na ojẹ̀,+Na kanyinylan mẹhe nọ nọ̀ e ji lẹ tọn wutu.
35 E nọ diọ danfafa zun osindò he gọ́ na ofán lẹ,Podọ aigba-klo zun asisa osin tọn lẹ.+
36 E nọ hẹn mẹhe huvẹ to hùhù lẹ nado nọ nọ̀ finẹ,+Na yé nido do tòdaho de ai, ehe mẹ yé sọgan nọ.+
37 Yé nọ do jinukun po vẹngle lẹ po+He nọ de sinsẹ́n dagbedagbe lẹ tọ́n.+
38 Ewọ nọ dona yé bo nọ hẹn yé sudeji tlala;E ma nọ dike kanlin whégbè tọn yetọn lẹ ni whèpo.+
39 Ṣigba, sọha gbẹtọ lọ lẹ tọn nọ vọ́ whè bọ yé nọ duwinyanNa kọgbidinamẹ, nugbajẹmẹji po awubla po wutu.
40 Ewọ nọ hẹn vlẹko wá omẹ nukundeji lẹ jiBo nọ hẹn yé sàlele to aigba gbọgbé lẹ ji.+
41 Amọ́, e nọ basi hihọ́na wamọnọ lẹ* sọn kọgbidinamẹ si+Bo nọ hẹn whẹndo yetọn lẹ sudeji taidi lẹngbọpa de.
42 Nugbonọ nọ mọ ehe bo nọ jaya;+Ṣigba, mawadodonọ lẹpo wẹ nọ bọnùdo.+
43 Mẹdepope he yọnnuin na nọ na ayidonugo onú ehelẹ+Bo nasọ nọ yí sọwhiwhe do lẹnnupọndo azọ́n owanyi nugbo tọn Jehovah tọn lẹ ji.+
Nudọnamẹ Odò Tọn
^ Kavi “huhlọn.”
^ Kavi “Alindọn yetọn.”
^ Kavi “alindọn he.”
^ Kavi “alindọn he.”
^ Kavi “Alindọn yetọn gbẹwanna núdùdù lẹpo.”
^ Kavi “Alindọn yetọn nọ yọ́.”
^ To paa mẹ, “aisintẹn.”
^ Kavi “nọ ze wamọnọ lẹ daga,” enẹ wẹ, jẹ fie alọ ma gán plá.
