Habakuku 2:1-20
2 Yẹn na gbọṣi ote to hihọ́tẹn ṣie,+Yẹn nasọ ṣite to figángán lọ ji.
Yẹn na họ́ali nado mọ nuhe ewọ na dọ gbọn yẹn gblamẹ
Podọ nuhe n’na gblọn to whenue n’na yin wiwọhẹ.
2 To whenẹnu, Jehovah gblọnna mi dọmọ:
“Kàn numimọ lọ dai bosọ kàn ẹn do wekan-zannu lẹ ji to aliho he họnwun mẹ,+Na ewọ he dona hia nuhe yin kinkan do e ji lẹ daga nido sọgan wàmọ po awubibọ po.*+
3 Na numimọ lọ na yin hinhẹndi to ojlẹ dide etọn mẹ,E sọ to mizọnmizọn ji jei opodo* etọn, podọ e ma na dolalo.
Eyin e na tlẹ dọngbàn,* to nukundo e zọnmii!*+
Na e na mọ hẹndi janwẹ.
E ma na gbọwhenu!
4 Pọ́n ewọ he nọ yigo;*E ma yin nugbonọ to ede mẹ.
Ṣigba, dodonọ na nọgbẹ̀ gbọn nugbonọ-yinyin* etọn dali.+
5 Na nugbo tọn, na ovẹn nọ klọmẹ wutu,Saklanọ ma na jẹ yanwle etọn kọ̀n.
E hẹn adọ̀* etọn gblo taidi Yọdò;*E tin taidi okú bo ma sọgan yin pekọhẹnwana.
E nọ to akọta lẹpo bẹpliBosọ nọ to gbẹtọ lẹpo bẹpli dopọ na ede.+
6 Be omẹ ehe lẹpo ma na zan ohó milomilo, aṣagbe po oló po gando e go ya?+
Yé na nọ dọmọ:
‘Dindọn wẹ na ewọ he nọ bẹ nuhe ma yin etọn lẹ pli
—Kakajẹ whetẹnu?—Bo tlẹ nọ hẹn ahọ́ etọn titi sudeji!
7 Be mẹhe a duahọdo lẹ ma na fọ́n to ajiji mẹ ya?
Yé na fọ́n bo nasọ húnhún we gìgìgì,Yé nasọ mọ we taidi ogblànnu de.+
8 Na hiẹ bẹ nutindo akọta susu tọn taidi ogblànnu wutu,Akọta he pò lẹpo na bẹ nutindo towe lẹ taidi ogblànnu,+Na hiẹ sọ̀n ohùn gbẹtọ lẹ tọn daiBo wà danú do aigba go,Podọ do tòdaho lẹ po mẹhe nọ nọ̀ yé mẹ lẹ po go wutu.+
9 Dindọn wẹ na mẹhe nọ bẹ ale ylankan pli na whédo etọn,Nado do adọ́ etọn do aga,Bosọ họ̀ngán sọn nugbajẹmẹji mẹ!
10 Sébibla towe ko hẹn winyan wá whédo towe ji.
Hiẹ waylando do dewe* gbọn gbẹtọ susu sinsánsẹ dali.+
11 Na zannu de na dawhá sọn adó mẹ,Bọ atinpo de na gblọnna ẹn sọn owhlẹ lẹ mẹ.
12 Dindọn wẹ na mẹhe gbá tòdaho de gbọn hùnsọndai dali,Bo do tòpẹvi de ai gbọn mawadodo dali!
13 Pọ́n! Be e ma yin Jehovah awhànpa lẹ tọn wẹ hẹn gbẹtọ lẹ nado wazọ́n sinsinyẹn nado bẹ nake do miyọ́n lọ mẹ,Bosọ hẹn akọta lẹ nado hẹn nuṣikọna yede to ovọ́ mẹ ya?+
14 Na aigba na gọ́ na oyọnẹn gigo Jehovah tọn tọnDile osin ṣinyọ́n ohù ji do.+
15 Dindọn wẹ na mẹhe nọ na hatọ etọn nude nado nù,Bo nọ yidogọna adi po homẹgble etọn po, nado hẹn yé nùmú,Na e nido sọgan pọ́n omẹ́ yetọn!
16 Hiẹ na duwinyan gọ̀nti kakati a nido mọ gigo.
Hiẹ lọsu—nù bo do ninọmẹ adàmagbo tọn towe hia.*
Kọfo he tin to adusilọ Jehovah tọn mẹ na wá hiẹ lọsu ji,+Winyan nasọ ṣinyọ́nyẹ gigo towe ji;
17 Na danú he yin wiwà na Lẹbanọni na wá ji we,Vasudo he dobuna kanlin lẹ nasọ wá ji we,Na hiẹ sọ̀n ohùn gbẹtọ lẹ tọn daiBo wà danú do aigba go,Podọ do tòdaho lẹ po mẹhe nọ nọ̀ yé mẹ lẹ po go wutu.+
18 Ale tẹwẹ tin to boṣiọ pipà de mẹ
To whenue basitọ etọn ko pà ẹ?
Ale tẹwẹ tin to boṣiọ kinkọ̀n po mẹplọntọ lalo de po mẹ,Dile etlẹ yindọ mẹhe basi i nọ dejido e go,Bo nọ basi yẹwhe ovọ́ he ma sọgan dọho lẹ?+
19 Dindọn wẹ na mẹhe nọ dọna atinpo de dọ, “Fọ́n!”
Kavi na zannu he ma sọgan dọho dọ, “Fọ́n! Plọnnu mí!”
Pọ́n! Yè và sika po fataka po na ẹn,+Bọ gbọfufu depope ma tin to ohò etọn mẹ.+
20 Ṣigba, Jehovah tin to tẹmpli wiwe etọn mẹ.+
Mì nabọẹ to nukọn etọn, mì aigba lẹpo emi!’”+
Nudọnamẹ Odò Tọn
^ Kavi “wàmọ linsinlinsin.”
^ Kavi “hẹndi.”
^ Kavi “e tlẹ taidi nuhe to gbàndọn.”
^ Kavi “to tenọpọn ẹn po jeje po.”
^ Kavi “Pọ́n! Alindọn etọn jí.”
^ Kavi vlavo, “yise; nuyise.”
^ Kavi “alindọn.”
^ Kavi “do alindọn towe.”
^ Kavi vlavo, “bo to sàmù.”
