Hosea 5:1-15
-
Whẹdida do Eflaimi po Juda po ji (1-15)
5 “Mì yẹwhenọ lẹ emi, mì sè ehe,+Hiẹ owhé Islaeli tọn E, tuntoai,Hiẹ owhé ahọlu tọn E, dotoai,Na whẹdida lọ gando mì go;Na omọ̀ de wẹ mì yin na MizpaPodọ odọ̀ de he yin titá do Taboli ji.+
2 Yé mẹhe sọ to aijẹ* lẹ ko yinukọn taun* to kanlin hùhù* mẹ,Bọ yẹn to avase na* yemẹpo.
3 N’yọ́n Eflaimi,Islaeli masọ yin whiwhla do mi.
Na todin, hiẹ Eflaimi ko zan walọ gblezọn;*Islaeli ko hẹn ede flu.+
4 Nuyiwa yetọn lẹ ma dike yé ni lẹkọ do Jiwheyẹwhe yetọn dè,Na gbigbọ galilọ* tọn to ṣẹnṣẹn yetọn wutu;+Yé masọ yọ́n Jehovah.
5 Goyiyi Islaeli tọn ko dekunnu sọta ẹ;*+Islaeli po Eflaimi po ko dahli to nuṣiwa yetọn mẹ,Juda ko sọ dahli hẹ yé.+
6 Yé plan lẹngbọpa po kanlinpa yetọn lẹ po yì Jehovah dín gbé,Ṣigba, yé ma sọgan mọ ẹn.
Ewọ ko hẹn ede dẹn do yé.+
7 Yé ko yinuwa hẹ Jehovah po oklọ po,+Na yé ko ji visunnu jonọ lẹ.
Todin, yewlẹ po mimá* yetọn lẹ po na yin huhusudo to osun dopo mẹ.*
8 Mì kún azò+ de to Gibea podọ opẹ̀n de to Lama!+
Mì dawhá awhàn tọn to Bẹti-aveni+—to godo towe, Bẹnjamini E!
9 Eflaimi E, hiẹ na lẹzun nudobu de to azán yasanamẹ tọn gbè.+
Yẹn ko hẹn nuhe e họnwun dọ e na wá jọ to hẹnnu Islaeli tọn lẹ mẹ zun yinyọnẹn.
10 Ahọvi Juda tọn lẹ tin taidi mẹhe nọ sẹtẹnna dogbó.+
Yẹn na kọ̀n homẹgble ṣie jẹgbonu do yé ji taidi osin.
11 Eflaimi yin kọgbidina, whẹdida ko gídí i,Na e ko magbe nado hodo kẹntọ etọn.+
12 Enẹwutu, yẹn taidi okọ́ na EflaimiPodọ taidi nuhe ko yọ̀n de na owhé Juda tọn.
13 To whenue Eflaimi mọ azọ̀n etọn bọ Juda mọ agàdá etọn,Eflaimi yì Asilia dè+ bo dowẹn hlan ahọlu daho de.
Ṣigba, ewọ ma penugo nado hẹnazọ̀ngbọna we,Mọ e ma sọgan gbọ agàdá towe.
14 Na yẹn na taidi kinnikinni winyanwinyan de na Eflaimi,Podọ taidi kinnikinni huhlọnnọ* de na owhé Juda tọn.
Yẹnlọsu na tlẹ́n yé do flinflin bo na yì;+Yẹn na bẹ yé yì bọ mẹdepope ma na whlẹn yé.+
15 Yẹn na lẹkọyi nọtẹn ṣie kaka yé nado jiya kọdetọn whẹhuhu yetọn tọn,Enẹgodo, yé na dín nukundagbe* ṣie.+
Whenue yé na to ayimajai mẹ, yé na dín mi.”+
Nudọnamẹ Odò Tọn
^ Kavi “to atẹṣi.”
^ Kavi “ko tindo mahẹ gigọ́.”
^ Kavi “to hlọnhuhu.”
^ Kavi “to mẹplọnlọ do.”
^ Kavi “ko peve to fẹnnuwiwa mẹ; lọga.”
^ Kavi “fẹnnuwiwa; walọ gblezọn.”
^ To paa mẹ, “to nukun etọn mẹ.”
^ Kavi vlavo, “to osun dopo gblamẹ.”
^ Kavi “ogle.”
^ Kavi “kinnikinni winyanwinyan.”
^ To paa mẹ, “nukunmẹ.”
