Isaia 26:1-21
26 To azán enẹ gbè, ohàn he na yin jiji+ to aigba Juda tọn ji die:+
“Mí tindo tòdaho huhlọnnọ de.+
Ewọ nọ yí whlẹngán do basi adó po adó gángán etọn lẹ po.+
2 Mì hùn họngbo lọ lẹ,+ na akọta dodonọ lọ nido biọ e mẹ,Yèdọ akọta de he hẹn nugbonọ-yinyin etọn go to walọ mẹ.
3 Hiẹ na nọ basi hihọ́na mẹhe nọ ganjẹ gowe mlẹnmlẹn lẹ;*Hiẹ na na yé jijọho tẹgbẹ tọn,+Na hiẹ go wẹ yé dejido wutu.+
4 Mì dejido Jehovah go kakadoi,+Na Jah* Jehovah wẹ Osé madopodo lọ.+
5 Na ewọ ko hẹn mẹhe nọ nọ̀ otẹn he yiaga, yèdọ tòdaho he to aga lọ mẹ lẹ wá odò.
E hẹn ẹn wá odò,E hẹn ẹn wá odò jẹ kọmẹ;E dọ̀n ẹn dlan kọ́gudu mẹ.
6 Afọ na yin tùntùn e ji,Yèdọ afọ mẹhe yè to yasana lẹ tọn, afọpahomẹ agbátọnọ lẹ tọn.”
7 Nugbo* wẹ ali dodonọ tọn.
Na hiẹ yin nugbonọ wutu,Hiẹ na jlọ aliho dodonọ tọn.
8 Jehovah E, dile míwlẹ to ali whẹdida towe lẹ tọn hodo,Mí ze todido mítọn do hiẹ mẹ.
Mí* tindo ojlo vẹkuvẹku na oyín towe po oflin towe po.*
9 To zánmẹ, alindọn ṣie pete nọ jẹdò towe,Mọwẹ, yẹn nọ to nukundo we to ayiha ṣie mẹ dọ́n;+Na to whenue whẹdida lẹ tọ́n sọn dè we wá aigba ji,Mẹhe nọ nọ̀ aigba ji lẹ nọ plọnnu gando dodowiwa go.+
10 Eyin nukundagbe tlẹ yin didohia mẹylankan,Ewọ ma na plọn dodowiwa.+
Etlẹ yin to aigba dodo* tọn ji, ewọ na yinuwa po kanyinylan po janwẹ,+Podọ e ma na mọ gigo daho Jehovah tọn.+
11 Jehovah E, hiẹ ko ze alọ towe daga, ṣigba yé ma nọ mọ ẹn.+
Yé na mọ zohunhun towe do omẹ towe lẹ tamẹ bọ winyan na hù yé.
Mọwẹ, miyọ́n towe na fiọ kẹntọ towe lẹ.
12 Jehovah E, hiẹ na na mí jijọho,+Na nuhe mí ko wà lẹpo,Hiẹ wẹ wà yé do ota mítọn mẹ.
13 Jehovah Jiwheyẹwhe mítọn E, ogán devo lẹ ko paṣẹ do mí ji gbọnvona hiẹ,+Ṣigba, oyín towe kẹdẹ wẹ míwlẹ nọ ylọ.+
14 Yé ko kú; yé ma nasọ nọgbẹ̀ ba.
Yé ko lẹzun madogánnọ to okú mẹ, yé ma nasọ fọ́n ba.+
Na hiẹ ko lẹ́ ayidonugo towe hlan yéNado sukúndona yé podọ nado hẹn nuhe gando yé go lẹpo zun winwọn.
15 Hiẹ ko hẹn akọta lọ jideji, Jehovah E,Hiẹ ko hẹn akọta lọ jideji;Hiẹ ko pagigona dewe.+
Hiẹ ko hẹn dogbó aigba lọ tọn lẹpo gblodeji taun.+
16 Jehovah E, yé lẹhlan we to ojlẹ ayimajai tọn mẹ;Yé depá do hodẹ̀ bo hùn ahun yetọn na we whenue hiẹ domẹplọnlọ yé go.+
17 Kẹdẹdile hohonọ he jlo na jiviNọ to awufiẹsa ajipanu tọn mẹ bosọ nọ to awhádo na awufiẹsa wutu do,Mọ wẹ míwlẹ ko te, na hiẹ tọn wutu Jehovah E.
18 Mí ko mọhò bo tin to awufiẹsa ajipanu tọn mẹ,Ṣigba, e taidi dọ jẹhọn wẹ mí ji.
Mí ma ko hẹn whlẹngán wá aigba lọ ji,Podọ mẹdepope ma yin jiji nado nọ nọ̀ aigba lọ ji.
19 “Oṣiọ towe lẹ na wá nọgbẹ̀.
Oṣiọ ṣie lẹ na fọ́n.+
Mì fọ́n bo yí ayajẹ do dawhá,Mì mẹhe nọ nọ̀ kọ́gudu mẹ lẹ emi!+
Na ahun towe taidi ahun afọnnu tọn,*Podọ aigba na jo mẹhe yin madogánnọ to okú mẹ lẹ nado gọwá ogbẹ̀.*
20 Omẹ ṣie lẹ emi, mì yì bo biọ abò mìtọn lẹ mẹ,Bosọ sú ohọ̀n mìtọn lẹ.+
Mì ze mìde whlá na ojlẹ kleun deKaka homẹgble* lọ nido juwayi.+
21 Na, pọ́n! Jehovah tọ́n sọn nọtẹn etọn jaNado hẹn mẹhe nọ nọ̀ aigba lọ ji lẹ dogbè nuṣiwa yetọn tọn,Podọ aigba lọ na de hùnsọndai etọn lẹ gbàBo ma nasọ whlá mẹhe e hù lẹ ba.”
Nudọnamẹ Odò Tọn
^ Kavi vlavo, “mẹhe ayilinlẹn yetọn ma sọgan yin didiọ lẹ.”
^ “Jah” yin sándogli yinkọ lọ Jehovah tọn.
^ Kavi “Jijlọ.”
^ Kavi “Mí yí alindọn mítọn do.”
^ Enẹ wẹ, dọ Jiwheyẹwhe po oyín etọn po ni yin finflin, hinhẹn zun yinyọnẹn.
^ Kavi “nugbodidọ.”
^ Kavi vlavo, “ahun to ogbé lẹ ji.”
^ Kavi “na ji mẹhe yin madogánnọ to okú mẹ lẹ.”
^ Kavi “whẹgbledomẹ.”
