Isaia 33:1-24
33 Dindọn wẹ na we, hiẹ mẹvasudotọ he ma ko yin vivasudo;+Hiẹ mẹdehiatọ he ma ko yin didehia!
Hiẹ na yin vivasudo to whenue a na ko hẹn vasudo wá godo.+
Podọ hiẹ na yin didehia to whenue a na ko de mẹdevo lẹ hia godo.
2 Jehovah E, do nukundagbe hia mí.+
Todido mítọn tin to hiẹ mẹ.
Lẹzun awà* mítọn+ to afọnnu afọnnu,Mọwẹ, whlẹngán mítọn to ojlẹ ayimajai tọn mẹ.+
3 Gbẹtọ lẹ nọ họ̀n eyin yé sè zingidi-gbè.
Eyin hiẹ fọnṣite, akọta lẹ nọ gbàdo.+
4 Kẹdẹdile owẹ̀n nuhẹngbletọ lẹ nọ pli do, mọ wẹ nutindo mìtọn na yin bibẹpli di ogblànnu do niyẹn;Gbẹtọ lẹ na doawhàn wá e ji di owẹ̀n lẹ.
5 Jehovah na yin zizedaga,Na oji aga wẹ ewọ nọ nọ̀.
E na hẹn Ziọni gọ́ na whẹdida dodo po dodowiwa po.
6 Ewọ wẹ na hẹn azán towe lẹ dote;Yèdọ whlẹngán susugege,+ nuyọnẹn, oyọnẹn po budisi Jehovah po+—Adọkun etọn niyẹn.
7 Pọ́n! Mẹgángán yetọn lẹ to awhádo to tòhomẹ-liho ji;Wẹnsagun jijọho tọn lẹ to avivi vivẹvivẹ.
8 Alihogbó lẹ jẹvọ́;Gbejizọnlinzintọ depope ma to ali lẹ ji.
E* ko gbà alẹnu lọ;Bo ko gbẹ́ tòdaho lọ lẹ dai;E ma nọ hò gbẹtọvi depope tọn pọ́n.+
9 Aigba lọ to aluẹmẹ* bo to kukupẹ́.
Lẹbanọni duwinyan;+ e ko yin hinhẹngble.
Ṣalọni ko wá taidi danfafa nkọ,Bọ Baṣani po Kalmẹli po ja amà yetọn lẹ kọnyinai.+
10 “Todin, yẹn na fọnṣite,” wẹ Jehovah dọ,“Todin, yẹn na ze dee daga;+Todin, yẹn na pagigona dee.
11 Mìwlẹ ko mọhò ogbé húhú tọn bo ji getin.
Gbigbọ mìtọn titi wẹ na fiọ mì kẹdẹdi miyọ́n.+
12 Gbẹtọ lẹ nasọ taidi osẹ̀n wewe he to miyọ́n ji.
Yè na domiyọ́n yé kẹdẹdi owùntin he yin sinsánliai.+
13 Mì mẹhe tin to fidindẹn lẹ emi, mì sè nuhe yẹn jlo na wà!
Podọ mì mẹhe to yakẹ lẹ emi, mì doayi huhlọn ṣie go!
14 Obu jẹ ylandonọ he to Ziọni lẹ ji;+Atẹṣitọ lẹ ko to sisọsisọ bo to didọmọ:
‘Mẹnu to mí mẹ wẹ sọgan nọ fie miyọ́n nuvasudotọ to jiji te?+
Mẹnu to mí mẹ wẹ sọgan nọ apá na miyọ́n he ma sọgan yin ṣíṣí?’
15 Mẹhe nọ to zọnlinzin to dodowiwa mẹ zọnmii,+Yèdọ mẹhe nọ dọ ohó nugbo,+Bo nọ gbẹ́ ale nugbomadọ po mẹhodu po tọn dai,Mẹhe ma nọ kẹalọyi alọgodo-kuẹ, ṣigba bo nọ gbẹ́ ẹ dai,+Bo nọ sú otó etọn ma nado sèhó gando hùnsọndai go,Bosọ nọ sú nukun etọn ma nado pọ́n nuylankan
16 —Ewọ wẹ na nọ nọ̀ ofi yiaga lẹ;Figángán osé tọn lẹ wẹ na yin fibẹtado he tindo hihọ́* de na ẹn,Núdùdù etọn na nọ yin nina ẹn,Podọ osin he e na nù ma na vọ̀ gbede.”+
17 Nukun towe lẹ na mọ ahọlu de to whanpẹ daho etọn mẹ;Yé nasọ mọ aigba he to olá de.
18 To ahun towe mẹ, hiẹ na flin* nuhe dobunamẹ ehe dọmọ:
“Fie wẹ wekantọ lọ te?
Fie wẹ mẹlọ he nọ dà zínpinpẹn takuẹ tọn pọ́n te?+
Fie wẹ mẹlọ he nọ hia atọ̀họ̀ lẹ te?”
19 Hiẹ ma nasọ mọ akọta kanylantọ lọ ba,Yèdọ akọta de he ogbè etọn vẹawu* gbau nado mọnukunnujẹemẹ,Ehe hodidọ etọn taidi dẹ́kuku bọ hiẹ ma sọgan mọnukunnujẹemẹ.+
20 Pọ́n Ziọni, tòdaho he mẹ mí nọ basi hùnwhẹ lẹ te!+
Nukun towe na mọ Jelusalẹm taidi nọtẹn he to abọẹ de,Yèdọ gòhọ he ma na yin tẹnsẹna.+
Opò tlọ́ntlọ́n gòhọ tọn etọn lẹ ma na yin súnsún sẹ̀ gbede,Podọ okàn etọn depope ma na yin winwẹ́n.
21 Ṣigba to finẹ, Jehovah he yin Omẹ Gigonọ lọ,Na lẹzun lẹdo tọ̀sisa lẹ tọn de, yèdọ osinwhín he gblo lẹ na mí,Fie tọjihun awhàn tọn depope ma na yìBọ tọjihun daho depope ma na gbọn.
22 Na Jehovah wẹ Whẹdatọ mítọn,+Jehovah wẹ Osẹ́n-namẹtọ mítọn,+Jehovah wẹ Ahọlu mítọn;+Ewọ wẹ Mẹlọ he na whlẹn mí gán.+
23 Okàn kẹntọ tọn lẹ na tún;Yé ma sọgan hẹn opò he go yè nọ kẹ́ alà do lọ kavi alà he yin kikẹ́ lọ dote.
To ojlẹ enẹ mẹ, ogblànnu susugege wẹ na yin mimá;Sẹkunọ lẹ lọsu na tlẹ mọ nususu bẹ di ogblànnu.+
24 Podọ depope to mẹhe nọ nọ̀ aigba lọ ji lẹ* mẹ ma na dọmọ: “N’to azọ̀njẹ.”+
Nuṣiwa mẹhe nọ nọ̀ finẹ lẹ tọn na yin jijona yé.+
Nudọnamẹ Odò Tọn
^ Kavi “huhlọn.”
^ Ehe to alọdlẹndo kẹntọ lọ.
^ Kavi vlavo, “hú pete.”
^ Kavi “ofi yiaga he tindo hihọ́.”
^ Kavi “lẹnayihamẹpọn do.”
^ To paa mẹ, “siso.”
^ Kavi “to tòmẹnu lọ lẹ.”
