Dodinnanu Dòkunkun Tọn lẹ Dehia Dọ Ahọlu Davidi Nọgbẹ̀ to Whenuho Mẹ
Sọgbe hẹ nuhe Biblu dọ, Ahọlu Davidi Islaeli tọn nọgbẹ̀ to owhe kanweko 11tọ J.W.M., podọ kúnkan etọn lẹ dugán na owhe kanweko susu. Amọ́, homọdọdomẹgotọ delẹ dọnnu dọ Davidi ma nọgbẹ̀ pọ́n, kavi otàngblo de poun wẹ he mẹlẹ wá pà to godo mẹ. Be omẹ nujọnu tọn de wẹ Ahọlu Davidi yin ya?
To 1993, dodinnanutọ-dòkuntọ Avraham Biran po azọ́nwatọgbẹ́ etọn lẹ po mọ zannu gbigbà de to Tel Dan, to agewaji Islaeli tọn bọ nuhe yin kinkando e ji dlẹnalọdo “Owhé Davidi Tọn.” Zannu ehe ko tin sọn owhe kanweko 9tọ J.W.M., podọ wekun he Ju lẹ po Alabianu lẹ po nọ yí do kanwe to hohowhenu wẹ yin yiyizan nado kàn nuhe to e ji. Ayihaawe ma tin dọ, e yin apadewhe zannu de tọn he yin awuwlena gbọn Alaminu lẹ dali nado nọ flin lehe yé gbawhàn Islaelivi lẹ tọn do.
Hosọ de to owe lọ Bible History Daily mẹ dọ dọ: “Mẹdelẹ gbẹ́ mọhodọdo nukinkan lọ ‘Owhé Davidi tọn’ he to zannu lọ ji go . . . Amọ́, suhugan weyọnẹntọ Biblu tọn lẹ po dodinnanutọ-dòkuntọ lẹ tọn po wẹ kẹalọyi dọ zannu gbigbà he yin mimọ to Tel Dan yin kunnudenu dejidego tintan he dohia dọ Ahọlu Davidi nọgbẹ̀ pọ́n dile Biblu dọ do. Ehe yin dopo to dodinnanu ayidego tọn he dodinnanutọ-dòkuntọ lẹ mọ gando Biblu go he owe lọ Biblical Archaeology Review ” dọho gandego lẹ mẹ.
A Gán Sọ Pọ́n Hosọ Ehelẹ
NUPLỌNMẸ TANGAN BIBLU TỌN LẸ
Nawẹ Mí Sọgan Kudeji Gbọn Dọ Biblu Yin Nugbo?
Eyin Jiwheyẹwhe dè wẹ Biblu wá sọn, be e dona gbọnvo pete na owe he pò lẹpo.
ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN
Hẹnnumẹ Kaifa Tọn de Wẹ Ewọ
ATỌ̀HỌ̀-NUHIHỌ́ LỌ TỌN
Davidi po Goliati Po—Be E Jọ Nugbonugbo Ya?
Homọdọdonugotọ delẹ tindo ayihaawe gando nugbo-yinyin kandai ehe tọn go. Be yé tindo kunnudenu lẹ ya?
