MÌ NỌ TO AṢEJI!
Boṣiọ Sinsẹ̀n—Etẹ Biblu Dọ Gandego?
Linlin he nọ yin Catholic News Service dọ dọ, to 25 mars 2022 to nuwiwa de whenu to basilique Saint-Pierre, Papa François ṣite to boṣiọ Malia tọn nukọn bo “miọn nukun bosọ dokọdò bo to dẹ̀ho do homẹ.” E “vẹvẹna Malia” nado hẹn jijọho wá. Linlin Vatican tọn sọ yidogọ dọ “Papa hodẹ̀ hlan ahun wiwe Malia tọn do gbẹtọvi lẹ tamẹ, titengbe na Russie po Ukraine po.”
Etẹ a lẹn? Be e sọgbe nado hodẹ̀ to boṣiọ de nukọn kavi nado yí yé zan do bayi sinsẹ̀n ya? Pọ́n wefọ Biblu tọn he bọdego lẹ:
“Hiẹ ma dona basi boṣiọ pipà de kavi ohia nudepope he tin to olọn mẹ aga kavi to aigba ji to odò kavi to osin mẹ to aigba ji tọn. Hiẹ ma dona dẹ́ do odò na yé kavi yin kiklọ nado sẹ̀n yé, na yẹn Jehovah Jiwheyẹwhe towe yin Jiwheyẹwhe de he nọ biọ mẹdezejo mlẹnmlẹn.”—Eksọdusi 20:4,5. a
“Fataka po sika po wẹ yè yí do basi boṣiọ yetọn lẹ, yèdọ alọnuzọ́n gbẹtọvi tọn. Yé tindo onù, ṣigba yé ma gán dọho; yé tindo nukun, ṣogan yé ma gán mọnú; yé tindo otó, ṣigba yé ma gán sènu; yé tindo awọntin, ṣogan yé ma gán sewán; yé tindo alọ, ṣigba yé ma gán hẹnnu; yé tindo afọ, ṣogan yé ma gán zinzọnlin; yé ma nọ dọ nudepope sọn vẹ́go yetọn mẹ. Mẹhe nọ basi yé lẹ na wá lẹzun yelọsu nkọ, kẹdẹdi mẹhe nọ dejido yé go lẹpo.”—Salmu lẹ 115:4-8.
“Yẹn wẹ Jehovah. Yinkọ ṣie niyẹn; yẹn ma na má gigo ṣie hẹ mẹdevo depope, mọ yẹn ma na jo pipà ṣie na boṣiọ pipà lẹ.”—Isaia 42:8, nudọnamẹ odò tọn.
“Mì họ̀nna boṣiọ-sinsẹ̀n”—1 Kọlintinu lẹ 10:14.
“Mì họ́ mìde sọta boṣiọ lẹ.”—1 Johanu 5:21.
Eyin a jlo na mọ nudọnamẹ lẹ dogọ do nue Biblu dọ gando boṣiọ lẹ yiyizan to sinsẹ̀n bibasi mẹ go ji, hia hosọ lọ “D’après la Bible : Les images religieuses” kavi pọ́n video lọ Be Jiwheyẹwhe Kẹalọyi Dọ Mí Ni Nọ Zan Boṣiọ lẹ Do Sẹ̀n Emi Ya?
A gán sọ mọ nudọnamẹ devo lẹ sọn Biblu mẹ to hosọ he to odò ehelẹ mẹ:
“Miracles et apparitions — Des manifestations divines?”
Asisa he mẹ fọto lọ wá sọn: Vincenzo Pinto/AFP via Getty Images
a Jehovah wẹ oyín Jiwheyẹwhe tọn. (Salmu lẹ 83:18) Hia hosọ lọ “Mẹnu Wẹ Yin Jehovah?”
A Gán Sọ Pọ́n Hosọ Ehelẹ
HOSỌ DEVO LẸ
Be E Jẹ Dọ Sinsẹ̀n lẹ Ni Nọ Donù Tonudidọ mẹ Ya?
Lẹdo aihọn pé, mẹsusu he nọ dọ dọ emi yin hodotọ Jesu Klisti tọn lẹ nọ donù tonudidọ mẹ taun. Be e jẹ dọ yé ni wàmọ ya?
NUPLỌNMẸ TANGAN BIBLU TỌN LẸ
Be Jiwheyẹwhe Kẹalọyi Dọ Mí Ni Nọ Zan Boṣiọ lẹ Do Sẹ̀n Emi Ya?
Be yé gán gọalọna mí nado vẹ́ po Jiwheyẹwhe he mí ma nọ mọ nukun-sọ-nukun po ya?
NUPLỌNMẸ TANGAN BIBLU TỌN LẸ
Be Sinsẹ̀n-Bibasi Wunmẹ Lẹpo Wẹ Jiwheyẹwhe Nọ Kẹalọyi Ya?
Mẹsusu wẹ yise dọ yè gán nọ sinsẹ̀n wunmẹ depope mẹ.
MÌ NỌ TO AṢEJI!
Sinsẹ̀n po Awhàn He to Yìyì to Ukraine po—Etẹwẹ Biblu Dọ Gandego?
Nukọntọ ṣọṣi otò awe he mẹ hunyanhunyan to yìyì te lẹ tọn to nuyiwa do gbẹtọ lẹ ji to aliho he gbọnvo pete mẹ na nuhe Jesu plọn hodotọ etọn lẹ nado wà podọ ma nado wà.
NUHE BIBLU PLỌN MÍ
Tẹ́n Tito Biblu Pinplọn Tọn Mítọn Pọ́n
A gán plọnnu vọnu hẹ mẹplọntọ de nukun sọ nukun nado mọ ayinamẹ sinai do Biblu ji lẹ yí.
