To whenue Jesu to aigba ji, e tindo owanyi sisosiso na gbẹtọvi lẹ sọmọ bo tlẹ yí ogbẹ̀ etọn do sanvọ́ do ota yetọn mẹ. (Matiu 20:28; Johanu 15:13) Taidi Ahọlu Ahọluduta Jiwheyẹwhe tọn, e nasọ do owanyi he e tindo na gbẹtọvi lẹ hia to madẹnmẹ, bo yí aṣẹpipa etọn zan nado hẹn ‘awhàn wá opodo lẹdo aigba pé.’—Salmu lẹ 46:9.

 Pọ́n lehe Biblu basi zẹẹmẹ nuhe Jesu na wà lẹ tọn do:

•    “Ewọ na nọ whlẹn wamọnọ he to awhádo na alọgọ, gọna agbátọnọ po mẹdepope he ma tindo alọgọtọ po. Ewọ na nọ wàlẹblanuna agbátọnọ po wamọnọ po, bo nasọ nọ whlẹn ogbẹ̀ wamọnọ lẹ tọn gán. E na nọ whlẹn yé sọn kọgbidinamẹ po danuwiwa po mẹ.”—Salmu lẹ 72:12-14.

 Nawẹ mí gán dohia dọ mí yọ́n pinpẹn nuhe Jesu ko wà na mí lẹpo tọn gọna nuhe e na wá wà na mí to madẹnmẹ lẹ tọn gbọn? To Luku 22:19 mẹ, Jesu dọna hodotọ etọn lẹ nado nọ flin okú etọn. Enẹwutu, to whemẹwhemẹ, to azán okú etọn tọn gbè, Kunnudetọ Jehovah tọn lẹ nọ pli dopọ. Mí to oylọ-basina we nado wá kọnawudopọ hẹ mí to Hùnwhẹ Oflin Okú Jesu tọn tẹnmẹ, ehe na yin bibasi to dimanche 24 mars 2024.

Dín Fihe Oflin lọ Na Yin Bibasi te de Mọ