E nọ vẹna mẹsusu whenue mẹhe yé mọdọ emi gán dejidego de zan yé. Mẹsusu wẹ masọ nọ dejido . . .

•    nukọntọ tonudọtọ lẹ tọn he nọ ví do yetọn kẹdẹ mẹ lẹ go ba.

•    linlinnamẹnu he ma nọ na linlin he yin nugbo bosọ sọgbe lẹ go ba.

•    lẹnunnuyọnẹntọ he ma nọ wà nuhe yin dagbe na gbẹtọvi lẹ go ba.

•    nukọntọ sinsẹ̀n tọn he nọ doalọ to tonudidọ mẹ taun kakati nado wà ojlo Jiwheyẹwhe tọn lẹ go ba.

 E sọgbe dọ gbẹtọ lẹ ni to aṣeji taun gando mẹhe go yé nọ dejido lẹ. Biblu na avase dọmọ:

•    ‘Mì ze jidide mìtọn do ahọvi lẹ mẹ blo, na yé ma sọgan whlẹnmẹ gán.’—Salmu lẹ 146:3.

  Biblu dohia dọ a gán dejido mẹde go, yèdọ Jesu Klisti. E ma yindọ ewọ yin dawe dagbe de he nọgbẹ̀ to owhe kanweko susu lẹ die poun wẹ gba. Amọ́, Jiwheyẹwhe ko de Jesu nado “yin Ahọlu . . . , podọ Ahọluduta etọn ma na wá opodo.” (Luku 1:32, 33) Jesu wẹ yin Ahọlu he na dugán to Ahọluduta Jiwheyẹwhe tọn mẹ, yèdọ gandudu de he ko to gandu sọn olọn mẹ todin.—Matiu 6:10.

•    Nado plọnnu gando nuhewutu a gán dejido Jesu go, hia hosọ lọ lẹ“Mẹnu Wẹ Yin Ahọlu Ahọluduta lọ Tọn?” gọna “Etẹwẹ Ahọluduta Jiwheyẹwhe Tọn Na Wà?”