Sọgbe hẹ nuhe dodinnanu agọe tọn de dọ, a nudi omẹ dopo to ẹnẹ ji wẹ nọ pehẹ nuhahun ṣokẹdẹninọ tọn.

•    “Mẹdepope wẹ nuhahun ṣokẹdẹninọ tọn gán ba jonọ, mahopọnna owhe kavi fihe mẹlọ nọ nọ̀.”—Sọgbe hẹ nuhe Chido Mpemba, he yin coprésidente de la Commission sur le lien social de l’Organisation mondiale de la santé dọ.

 Mẹsusu gán nọ lẹn dọ, mẹhomẹ lẹ po mẹhe nọ jlo na nọ nọ̀ yede ṣo lẹ po kẹdẹ wẹ nọ do nuhahun ehe, amọ́ whẹho lọ ma niyẹn, etlẹ yin jọja lẹ, mẹhe tindo agbasalilo dagbe lẹ, adọkunnọ lẹ kakajẹ alọwlemẹ lẹ lọsu ji wẹ nọ pehẹ nuhahun ehe. Ṣokẹdẹninọ sọgan yin owùnu sinsinyẹn de na mẹde to agbasa-liho podọ to numọtolanmẹ-liho.

•    Vivek Murthy, administrateur de la santé publique des États-Unis dọ dọ “numọtolanmẹ ṣokẹdẹninọ tọn nọ sinyẹn taun hugan numọtolanmẹ ylankan de poun tintindo.” E yidogọ dọ: “Awugble he ṣokẹdẹninọ nọ hẹnwa yin nudopolọ hẹ awugble he siga dopodopo 15 nùnù to gbedopo nọ hẹnwa po.”

 Mẹdatọ mítọn ma jlo dọ mí ni nọ nọ̀ ṣokẹdẹ. Ojlo Jiwheyẹwhe tọn wẹ yin dọ mí ni jihọntọn dagbe lẹ bo nọ saba duvivi ojlẹ he mí nọ yizan dopọ hẹ mẹdevo lẹ tọn.

•    Ayinamẹ Biblu tọn: “Jiwheyẹwhe sọ dọmọ: “E ma yọ́n na sunnu lọ nado to ninọ edeṣo.”—Jenẹsisi 2:18.

 Jiwheyẹwhe jlo dọ mí ni wleawuna haṣinṣan de hẹ ewọ. E dopà dọ emi na dọnsẹpọ mí eyin mí dovivẹnu nado dọnsẹpọ ewọ.—Jakọbu 4:8.

•    Ayinamẹ Biblu tọn: “Ayajẹnọ wẹ mẹhe yọnẹn dọ yé tindo nuhudo gbigbọmẹ tọn lẹ, na yetọn wẹ Ahọluduta olọn tọn.”—Matiu 5:3.

 Jiwheyẹwhe jlo dọ mí ni sẹ̀n ewọ to pọmẹ hẹ mẹdevo lẹ. Eyin mí wàmọ, e nọ zọ́n bọ mí nọ tindo ayajẹ.

•    Ayinamẹ Biblu tọn: “Mì gbọ mí ni nọ na ayidonugo ode awetọ nado nọ whàn mídelẹ hlan owanyi po azọ́n dagbe lẹ po kọ̀n, e ma yin nado nọ gbẹkọ pipli dopọ mítọn lẹ go, . . . ṣigba nado nọ na tuli ode awetọ.”—Heblu lẹ 10:24, 25.

 Nado mọ nudọnamẹ gigọ́ gando nuhewutu mí dona nọavùnte sọta ṣokẹdẹninọ go, hia hosọ lọ “La solitude à l’ère de la communication.”