Lẹdo aihọn pé, e nọ vẹawuna mẹsusu nado mọ akuẹ he yé do hudo etọn nado penukundo yede go, podọ nuhahun ehe fọ́n bo to sinsinyẹn deji.

•   Sọgbe hẹ linlin agọe tọn he yin nina lẹdo aihọn pé de, a “akuẹ he mẹlẹ nọ dù to sunmẹsunmẹ masọ sọ nọ sọtẹn ba, yijlẹdo nuhudo yetọn lẹ go.” Linlin lọ dohia dọ eyin nude ma yin wiwà gandego, “zẹnmasọ na jideji to gbẹtọ lẹ ṣẹnṣẹn” podọ ehe na bẹpla “aliho gbẹninọ tọn azọ́nwatọ susu po whẹndo yetọn lẹ po tọn.”

 Be aṣẹpatọ lẹ na penugo nado didẹ nuhahun akuẹzinzan tọn he fọ́n bo to sinsinyẹn deji ehe, bo tlẹ sọ hẹn ninọmẹ lọ pọnte ya?

 Biblu dohia dọ gandudu de tin he na hẹn pọngbọ wá na nuhahun akuẹzinzan tọn lẹ bọ zẹnsisọ na tin. E dọ dọ “Jiwheyẹwhe olọn tọn na ze ahọluduta de dai,” yèdọ gandudu de he na didẹ nuhahun he to aigba ji lẹpo. (Daniẹli 2:44) To gandudu enẹ glọ, mẹde ma na mọ ede to ṣokẹdẹ kavi mọdọ yè gbẹkọ emi go. (Salmu lẹ 9:18) Ahọluduta Jiwheyẹwhe tọn na hẹn ẹn diun dọ tòvi etọn lẹ mọ nuhe sin hudo yé do nado do ayajẹ lẹ. Mẹlẹpo wẹ na duvivi ale he azọ́n sinsinyẹn yetọn na hẹnwa na yé lẹ tọn.—Isaia 65:21, 22.