To 24 mai 2022, nuhe ylan taun de jọ to tòpẹvi Uvalde tọn mẹ, to Texas to États-Unis. Linlinwe de dọ dọ dawe de yí osò do “hù ovi 19 po mẹplọntọ awe po” to wehọmẹ dokọ̀ tọn tòpẹvi enẹ tọn de mẹ.—Linlinwe lọ The New York Times.

 E blawu dọ nuylankan mọnkọ lẹ nọ jọ whẹwhẹ. Linlin de dohia dọ to États-Unis kẹdẹ, “sòdide 249 wẹ wá aimẹ to wehọ lẹ mẹ to owhe he wayi mẹ—ehe sù hugan owhe devo depope mẹ tọn, e whè gbau sọn 1970.”—USA Today.

 Naegbọn nuyiwa kanyinylan tọn ehelẹ do nọ jọ? Nawẹ mí gán doakọnna nuylankan enẹ nkọ lẹ gbọn? Be todido tin dọ danuwiwa na wá doalọte gbèdopo ya? Biblu na gblọndo kanbiọ enẹlẹ tọn.

•   Biblu ylọ ojlẹ he mẹ mí to gbẹnọ te dọ “azán godo tọn lẹ” bo dọ dọ mẹsusu ma na tindo “owanyi jọwamọ tọn” bo na yin “kanylantọ,” yé na nọ wàdanu bosọ nọ doalọ to nuyiwa okà tọn lẹ mẹ. Nuyiwa omẹ mọnkọ lẹ tọn “na to yinylan deji dogọ.” (2 Timoti 3:1-5, 13) Eyin a jlo na yọ́n nususu dogọ, hia hosọ lọ “La Bible a-​t-​elle prédit la mentalité et la conduite des gens de notre époque ?”

 Mẹsusu nọ kanse dọ, ‘Naegbọn Jiwheyẹwhe ma nọ glọnalina nuylankan mọnkọ lẹ taidi sòdide to wehọmẹ ma nado jọ?’ Eyin a jlo na yọ́n gblọndo he Biblu na, hia hosọ lọ “Pourquoi les innocents souffrent-ils ?”

•   ‘Nuhe ko yin kinkandai jẹnukọn lẹ yin kinkandai na oplọn mítọn, na míwlẹ nido sọgan tindo todido gbọn homẹmimiọn sọn Owe-wiwe lẹ mẹ gblamẹ.’—Lomunu lẹ 15:4.

 Ayinamẹ he to Biblu mẹ lẹ gán gọalọna we nado doakọnna danuwiwa he gọ́ ogbẹ̀ lọ mẹ. Eyin a jlo na yọ́n nususu dogọ, pọ́n linlinwe Fọ́n! he hosọ etọn yin “La violence cessera-​t-​elle un jour ?”

 Eyin a to ayinamẹ lẹ dín gando lehe mẹjitọ lẹ gán gọalọna ovi yetọn lẹ nado pehẹ linlin he nọ gbàhundona mẹ lẹ do go, hia hosọ lọ “Enfants et actualités troublantes.”

•   “E na nọ whlẹn yé sọn kọgbidinamẹ po danuwiwa po mẹ.”—Salmu lẹ 72:14.

•   “Yé na yí ohí yetọn lẹ do tùn glepọnu podọ owhán yetọn lẹ do tùn agbogọdọẹ. Akọta de ma na ze ohí daga do akọta devo ji, mọ yé ma nasọ plọn awhànfunfun ba.”—Mika 4:3.

 Jiwheyẹwhe na wà nuhe ko glo gbẹtọvi lẹ. E na yí Ahọluduta etọn he yin gandudu olọn mẹ tọn de zan nado de adánwanu po danuwiwa lẹpo po sẹ̀. Eyin a jlo na yọ́n nususu gando nuhe Ahọluduta Jiwheyẹwhe tọn na wà go, hia hosọ lọ “‘Jijọho Na Sudeji’ to Ahọluduta Jiwheyẹwhe Tọn Glọ.”