Dile e ko nọ yì do to ninọmẹ lẹpo mẹ, mí jlo na dike na owanyi na Jiwheyẹwhe podọ na kọmẹnu mítọn lẹ ni deanana mí to plidopọ daho lọ whenu. (Mt 22:37-39) Kọlintinu lẹ tintan 13:4-8 basi zẹẹmẹ owanyi tọn dọmọ: “Owanyi nọ fahomẹ bo nọ yin homẹdagbenọ. . . . [E] ma nọ wanu jẹagọ, ma nọ dín ale edetiti tọn lẹ, ma nọ gblehomẹ aplà. . . . Owanyi ma nọ gboawupo gbede.” Dile a na to video Nuflinmẹ Plidopọ Daho Tọn Lẹ pọ́n, lẹnnupọndo aliho he mẹ a sọgan do owanyi hia mẹdevo lẹ to plidopọ lọ ji te lẹ ji.

• to whenue mí jlo na yí tẹnmẹ dai na mẹdevo lẹ?

• to whenue nuhiho jlo na bẹjẹeji?

• to whenue mí mọ adọtẹn do lẹdo plidopọ lọ tọn mẹ?

• eyin mí ze míde jo nado gọalọ?