To mardi 11 avril, mẹhe gbọjọ susu wẹ na wá Oflin. Yé ko bẹ alewezun ogbẹ̀ tọn lọ jẹeji bo wá doalọte, na whẹwhinwhẹ́n voovo lẹ wutu, ehe delẹ yin nùdego to alọnuwe lọ Lẹkọwa Jehovah Dè mẹ. (Heb 12:1) Ṣigba, mẹhe gbọjọ lẹ gbẹ́ họakuẹ to nukun Jehovah tọn mẹ, yèdọ mẹhe họ̀ yé po ohùn Visunnu etọn tọn po. (Ow 20:28; 1Pi 1:18, 19) Nawẹ mí sọgan gọalọna yé nado lẹkọwa agun lọ mẹ gbọn?

Mẹho agun tọn lẹ nọ dín mẹhe gbọjọ lẹ mọ bo nọ gọalọna yé, dile lẹngbọhọtọ de nọ dovivẹnu nado dín lẹngbọ he danbú sọn apó lọ mẹ lẹ mọ do. (Luk 15:4-7) Ehe do owanyi he Jehovah tindo na yé hia. (Jel 23:3, 4) Mímẹpo, e ma yin mẹho lẹ kẹdẹ, wẹ dona na tuli omẹ mọnkọtọn lẹ. Vivẹnudido mítọn nado jọmẹ bo vẹawu yé nọ hẹn homẹ Jehovah tọn hùn bo sọgan hẹn ale wá. (Hwh 19:17; Ow 20:35) Enẹwutu, lẹnnupọndo mẹhe a sọgan na tuli de ji bo wàmọ madọngbàn!

PỌ́N VIDEO LỌ NA TULI MẸHE GBỌJỌ LẸ, PODỌ ENẸGODO GBADOPỌNNA KANBIỌ HE BỌDEGO LẸ:

• Afọdide tẹwẹ Abbey ze to whenue e dukosọna Kunnudetọ de he e ma yọnẹn?

• Naegbọn mí dona dọnsẹpọ mẹho lẹ eyin mí to linlẹn nado gọalọna mẹde he gbọjọ?

• Nawẹ Abbey wleawu nado yì dla Laura pọ́n to whedevonu gbọn?

• Nawẹ Abbey do linsinsinyẹn, homẹfa po owanyi po hia to whenue e to tintẹnpọn nado na tuli Laura gbọn?

• Etẹwẹ mí sọgan plọn sọn oló Jesu tọn he to Luku 15:8-10 mẹ?

• Dona tẹlẹ mẹ wẹ vivẹnu he yin dido nado gọalọna Laura lẹ dekọtọn do?