Isaia tindo ojlo dagbe, podọ mí dona hodo apajlẹ etọn. E do yise hia bo yawu gọalọ to nuhudo de whenu, dile etlẹ yindọ e ma mọnukunnujẹ ninọmẹ lọ mẹ to gigọ́ mẹ. (Isa 6:8) Be a sọgan vọ́ tito towe basi nado sẹ̀n to fie nuhudo wẹnlatọ Ahọluduta lọ tọn sù te ya? (Slm 110:3) Na nugbo tọn, nujọnu wẹ e yin nado “lẹn akuẹ” he tẹnsisẹ enẹ na biọ. (Luk 14:27, 28) Etomọṣo, hiẹ sọgan wleawuna ojlo lọ nado sanvọ́ do azọ́n yẹwhehodidọ tọn lọ tamẹ. (Mt 8:20; Mk 10:28-30) Dile video lọ Tẹnsisẹ Nado Yì Sẹ̀n to Fie Nuhudo Sù Te dohia do, dona he mí nọ mọ to sinsẹ̀nzọn Jehovah tọn mẹ lẹ nọ sù taun hugan avọ́sinsan depope he mí basi.

• Avọ́sinsan tẹlẹ wẹ whẹndo Williams tọn basi nado yì sẹ̀n to Équateur?

• Etẹlẹ ji wẹ yé lẹnnupọndo to whenue yé jlo na de fie yé na yì sẹ̀n te?

• Dona tẹlẹ wẹ yé mọyi?

• Eyin mì jlo na yì sẹ̀n to fie nuhudo sù te, fie wẹ mì sọgan mọ nudọnamẹ dogọ te?

• Taidi whẹndo de, nawẹ mí sọgan gbloada na lizọnyizọn mítọn gbọn? (km 8/11 4-6)

• Eyin mí ma penugo nado yì sẹ̀n to fie nuhudo sù te, aliho tẹlẹ mẹ wẹ mí sọgan gọalọna agun mítọn te? (w16.03 23-25)