NUHEWUTU E DO YIN NUJỌNU: Jehovah nọ hẹn okún nugbo lọ tọn whẹ́n to ahun mẹhe “tindo ninọmẹ ahun mẹ tọn he jẹna ogbẹ̀ madopodo” lẹ tọn mẹ. (Ow 13:48; 1Kọ 3:7) Mí nọ wazọ́n dopọ hẹ ẹ gbọn vivẹnudido to lizọnyizọn lọ mẹ nado gọalọna mẹhe nọ yinuwa sọgbe hẹ nuhe plọn yé te lẹ dali. (1Kọ 9:26) Biblu plọntọ lẹ dona mọnukunnujẹemẹ dọ baptẹm Klistiani tọn yin dandan nado mọ whlẹngán. (1Pi 3:21) Mí nọ gọalọna yé nado lẹzun devi gbọn pinplọn yé nado basi diọdo lẹ to gbẹzan yetọn mẹ dali, podọ nado nọ dekunnu bo plọnmẹ bosọ klan gbẹzan yetọn do wiwe hlan Jehovah.—Mt 28:19, 20.

LEHE MÍ SỌGAN WÀMỌ DO:

• Nọ flinnu Biblu plọntọ lẹ dọ yanwle nupinplọn lọ tọn wẹ nado gọalọna yé, na yé nido “wá yọ́n” Jehovah bo hẹn homẹ etọn hùn.—Joh 17:3

• Nọ gọalọna yé nado yinukọn to gbigbọ-liho bo duto avùnnukundiọsọmẹnu lẹ ji taidi walọ he ma sọgbe lẹ po gbẹdido ylankan lẹ po

• Nọ hẹn yé lodo bo nọ na tuli yé jẹnukọnna baptẹm podọ to baptẹm yetọn godo.—Ow 14:22

PỌ́N VIDEO LỌ JEHOVAH JIWHEYẸWHE NA GỌALỌNA WE, ENẸGODO NA GBLỌNDO NA KANBIỌ HE BỌDEGO LẸ:

• Obu etẹ tọn wẹ gán zọ́n bọ mẹde na dọ̀n yonu dogodo nado klan ede do wiwe bo yí baptẹm?

• Nawẹ mẹho lẹ gán gọalọna Biblu plọntọ lẹ nado yinukọn to gbigbọ-liho gbọn?

• Etẹwẹ mí plọn gando Jehovah go to Isaia 41:10 mẹ?

• Jẹhẹnu tẹlẹ wẹ na gọalọna mí nado sẹ̀n Jehovah dile e jẹ do mahopọnna dọ mí yin mapenọ?