Be a to owhe 23 jẹ 65 sin gblagbla mẹ bo to sinsẹ̀nzọn whenu-gigọ́ tọn mẹ wẹ ya? Be a to ganji to agbasa mẹ bo gán yì sẹ̀n to fie nuhudo sù te ya? Eyin mọ wẹ, be a ko lẹnnupọn eyin a gán doalọwemẹ bo yì Wehọmẹ Wẹndagbe-Jlatọ Ahọluduta lọ tọn lẹ tọn ya? Asu po asi po, mẹmẹsunnu tlẹnnọ, gọna mẹmẹyọnnu tlẹnnọ fọtọ́n susu wẹ ko yì wehọmẹ ehe sọn whenue gbọ́n e bẹjẹeji. Amọ́, nuhudo gbẹ́ tin dọ mẹmẹsunnu tlẹnnọ susu dogọ ni yì wehọmẹ ehe. A gán biọ Jehovah to odẹ̀ mẹ dọ ni whàn we dogọ nado wà ojlo etọn bo hodo apajlẹ Visunnu etọn tọn. (Slm 40:8; Mt 20:28; Heb 10:7) Enẹgodo, pọ́n nue a gán wà na agbasazọ́n towe kavi tito titengbe devo lẹ ni ma do nọ dù whenu susu to asi we ba blo. Gbọnmọ dali, a gán pegan na wehọmẹ ehe.

To wehọmẹ lọ godo, lẹblanulọkẹyi tẹlẹ wẹ wehọmẹvi lọ lẹ gán mọyi? Di apajlẹ, delẹ to wehọmẹvi lọ lẹ mẹ ko yin didohlan fie yè nọ do ogbè he yé ma sè te lẹ kavi yin dide nado doalọ to kunnudide gbangba tọn vonọtaun lẹ mẹ. Mẹdevo lẹ nọ wá pọ́n tẹnmẹ na nugopọntọ lẹdo tọn lẹ, lẹzun nugopọntọ lẹdo tọn kavi mẹdehlan he to aigba-denamẹ ji lẹ. Dile a to nulẹnpọn do onú voovo he a sọgan wà to sinsẹ̀nzọn Jehovah tọn mẹ lẹ ji, nọ hẹn nue yẹwhegán Isaia dọ lẹ do ayiha mẹ: “Yẹn die! Do mi hlan!”—Isa 6:8.

PỌ́N VIDEO LỌ MẸDEHLAN HE TO AIGBA-DENAMẸ JI LẸ TO AZỌ́N JIBẸWAWHÉ TỌN LỌ WÀ, ENẸGODO NA GBLỌNDO NA KANBIỌ HE BỌDEGO LẸ:

• Nawẹ yè nọ de mẹdehlan he to aigba-denamẹ ji lẹ gbọn?

• Azọ́n dagbe tẹwẹ mẹdehlan he to aigba-denamẹ ji lẹ to wiwà?

• Dona tẹlẹ wẹ to sinsẹ̀nzọn mẹdehlan tọn mẹ?