To whenue Jesu to aigba ji, e zinnudo gbedide lọ ji he dọmọ: “Gbògbéna otọ́ towe po onọ̀ towe po.” (Eks 20:12; Mt 15:4) E họnwun dọ Jesu tindo awuvivo hodidọ tọn, na e “setonuna” mẹjitọ etọn lẹ to whenue e gbẹ́ yin jọja. (Luk 2:51, Odò.) To whenue e whẹ́n, e hẹn ẹn diun dọ to okú etọn godo onọ̀ etọn na yin nukunpedego.—Joh 19:26, 27.

To egbehe ga, Klistiani jọja he nọ setonuna mẹjitọ yetọn bo nọ dọhona yé po sisi po lẹ to gbégbòna yé. Na nugbo tọn, gbedide lọ nado gbògbéna mẹjitọ mẹtọn lẹ ma tindo dogbó. Etlẹ yin to whenue mẹjitọ mítọn lẹ poyọnho, mí dona gbẹ́ nọ gbògbéna yé gbọn alemimọyi sọn nuyọnẹn yetọn mẹ dali. (Hwh 23:22) Mí sọ nọ gbògbéna mẹjitọ mẹhomẹ mítọn lẹ gbọn nukunpipedo yé go to numọtolanmẹ-liho podọ to akuẹzinzan-liho dali. (1Ti 5:8) Vlavo mí yin jọja kavi mẹho, hodọdopọ dagbe tintindo hẹ mẹjitọ mítọn lẹ yin aliho dagbe de nado nọ gbògbéna yé.

PỌ́N YẸDIDE ṢIṢAVI TỌN LỌ NAWẸ N’SỌGAN NỌ DỌHO HẸ MẸJITỌ ṢIE LẸ GBỌN?, ENẸGODO NA GBLỌNDO NA KANBIỌ HE BỌDEGO LẸ:

• Naegbọn e sọgan nọ vẹawuna we nado dọho hẹ mẹjitọ towe lẹ?

• Eyin a to hodọ hẹ mẹjitọ towe lẹ, nawẹ a gán gbògbéna yé gbọn?

• Naegbọn e do yin nujọnu dọ a ni nọ dovivẹnu nado dọho hẹ mẹjitọ towe lẹ? (Hwh 15:22)