NUHỌAKUẸ LẸ SỌN OHÓ JIWHEYẸWHE TỌN MẸ | MATIU 18-19
Dovivẹnu Ma Nado Hẹn Dewe po Mẹdevo lẹ po Dahli
Jesu yí apajlẹ lẹ zan nado plọnmẹ dọ whẹho sinsinyẹn wẹ e yin nado dahli kavi hẹn mẹdevo lẹ dahli.
-
“Zannu ahlida tọn” dlẹnalọdo nuyiwa kavi ninọmẹ he hẹn mẹde nado wà nuhe ma sọgbe, nado dahli kavi zan walọ he ma sọgbe, kavi nado waylando
-
Eyin mẹde hẹn mẹdevo dahli, e na pọnte na ẹn dọ yè ni sìn gilisé de dokọna ẹn bo siọ ẹ do hùmẹ
Gilisé
-
Jesu na ayinamẹ hodotọ etọn lẹ nado sán nudepope he na hẹn yé dahli sẹ̀ sọn ogo, eyin nulọ tlẹ họakuẹ na yé sọ alọ, kavi nukun
-
E pọnte nado biọ Ahọluduta Jiwheyẹwhe tọn mẹ matin onú họakuẹ enẹlẹ hugan nado tẹdo yé go bo wá yì Gẹhẹnna mẹ, yèdọ yẹhiadonu vasudo mlẹnmlẹn tọn
To gbẹzan ṣie mẹ, etẹwẹ sọgan lẹzun zannu ahlida tọn, podọ etẹwẹ n’sọgan wà ma nado hẹn dee kavi mẹdevo lẹ dahli?
