Eyin a pọ́n vounvoun whanpẹnọ de, sunwhlẹvu lẹ, kavi osin he to sisà po zingidi po sọn osé de mẹ, be e ma nọ jiawu na we ya? Nudida he lẹdo mí lẹ nọ do jẹhẹnu mayinukundomọ Mẹdatọ mítọn Jehovah tọn lẹ hia hezeheze. (Lo 1:20) To whenue mí yiagbọji bo lẹnnupọndo nuhe mí to mimọ lẹ ji, mí nọ mọ lehe yé do huhlọn, owanyi, nuyọnẹn, whẹdida dodo, gọna alọtútlú Jiwheyẹwhe tọn hia do.—Slm 104:24.

Nudida Jehovah tọn tẹlẹ wẹ a nọ mọ egbesọegbesọ? Eyin a tlẹ nọ nọ̀ tòhomẹ, a gán nọ mọ ohẹ̀ kavi atin lẹ. Ayidonugo nina nudida Jehovah tọn lẹ sọgan gọalọna mí nado de ayiha sọn magbọjẹ mítọn lẹ ji, bo lẹnnupọndo nuhe yin nujọnu hugan lẹ ji, bọ e sọ nọ hẹn yise mítọn lodo dọ Jehovah na penukundo mí go kakadoi. (Mt 6:25-32) Eyin a do ovi lẹ, nọ gọalọna yé nado nọ doayi jẹhẹnu jiawu Jehovah tọn lẹ go. Dile pinpẹn-nutọn mítọn na nudida he lẹdo mí lẹ to jijideji, mọ wẹ mí nọ to dindọnsẹpọ Mẹdatọ mítọn dogọ do niyẹn.—Slm 8:3, 4.

PỌ́N VIDEO LỌ NUDIDA LẸ NỌ DO GIGO JIWHEYẸWHE TỌN HIA​—HINHỌ́N PO SINMẸ LẸ PO, ENẸGODO NA GBLỌNDO NA KANBIỌ HE BỌDEGO LẸ:

• Etẹwẹ nọ zọ́n bọ mí do nọ mọ sinmẹ voovo lẹ?

• Etẹwẹ nọ zọ́n bọ sinmẹ he mí nọ mọ lẹ do nọ diọ sọgbe hẹ fie mí pọnnu sọn?

• Naegbọn sinmẹ he mí nọ mọ to agahomẹ lẹ do nọ wá gbọnvo?

• To lẹdo towe mẹ, nudida he tindo sinmẹ vonọtaun tẹlẹ wẹ a nọ mọ?

• Naegbọn mí dona nọ yí sọwhiwhe do pọ́n nudida lẹ?