Eyin Biblu plọntọ lẹ na lẹzun họntọn Jehovah tọn, yé dona nọ pọ́n ogbẹ́ do dó. (Slm 15:1, 4) Gbẹdido dagbe na gọalọna yé nado nọ wà nuhe sọgbe.—Hwh 13:20; lff nupinplọn 48.

Nọ vẹawu nuplọntọ towe lẹ to whenue a to alọgọna yé nado jo ogbẹ́ ylankan lẹ do. E gán nọ vẹawuna yé nado jo họntọn he yé ko do to aihọn lọ mẹ lẹ do. Enẹwutu, nọ dohia dọ onú yetọn to ayiha mẹ na we, etlẹ yin to azán he gbè mì ma nọ plọnnu lẹ. A gán nọ kannu hlan yé, ylọ yé kavi yì pọ́n yé to whégbè. Podọ dile yé to nukọnyi, a gán nọ basi oylọna yé nado nọ yí whenu zan dopọ po omẹ Jiwheyẹwhe tọn lẹ po. Enẹ na zọ́n bọ yé na mọdọ dagbe he yé to mimọ lẹ sù taun hú nuhe to yé go gbọ lẹ. (Mk 10:29, 30) Hiẹ lọsu na do ayajẹ dile a mọ bọ whẹndo Jehovah tọn to jijideji.

PỌ́N VIDEO LỌ NỌ GỌALỌNA BIBLU PLỌNTỌ TOWE LẸ NADO DAPANA GBẸDIDO YLANKAN LẸ, ENẸGODO NA GBLỌNDO NA KANBIỌ HE BỌDEGO LẸ:

• Etẹwẹ gbẹdido ylankan yin?—1Kọ 15:33

• Nawẹ Jani lẹndọ ayidedai Klistiani lẹ tọn nọ ṣí?

• Nawẹ Anita gọalọna Jani nado mọ ogbẹ́ dagbe lẹ gbọn?