Ohó Jiwheyẹwhe tọn sọgan diọ gbẹzan mítọn. (Heb 4:12) Amọ́, eyin mí na mọaleyi sọn anademẹ po ayinamẹ etọn lẹ po mẹ, mí dona kudeji nugbonugbo dọ “ohó Jiwheyẹwhe tọn” wẹ Biblu yin. (1Tẹ 2:13) Nawẹ mí sọgan hẹn yise mítọn to Biblu mẹ lodo gbọn?

Nọ hia adà Biblu tọn de egbesọegbesọ. Eyin a to Biblu hia, nọ dín kunnudenu lẹ he dohia dọ Jehovah wẹ Dowatọ etọn. Di apajlẹ, gbadopọnna ayinamẹ he to owe Howhinwhẹn lẹ tọn mẹ lẹ bo pọ́n lehe ohó nuyọnẹn tọn he e bẹhẹn lẹ gando mí go do to egbehe.—Hwh 13:20; 14:30.

Bẹ tito nupinplọn tọn de jẹeji. Jẹakọ hẹ kunnudenu he dohia dọ Biblu yin gbigbọdo lẹ ganji. To Anademẹwe Dodinnanu Tọn Na Kunnudetọ Jehovah Tọn Lẹ mẹ, yì hosọ lọ “Biblu” glọ, enẹgodo pọ́n adà lọ “Gbigbọdo sọn Jiwheyẹwhe Dè.” A sọgan sọ hẹn yise towe lodo dọ owẹ̀n he to Biblu mẹ ma ko diọ, eyin a gbadopọnna adà lọ Nudọnamẹ Dogọ A3 to Biblu Lẹdogbedevomẹ Aihọn Yọyọ Tọn mẹ.

PỌ́N VIDEO LỌ NUHEWUTU MÍ TINDO YISE TO . . . OHÓ JIWHEYẸWHE TỌN MẸ, ENẸGODO NA GBLỌNDO NA KANBIỌ HE BỌDEGO LẸ:

• Nawẹ yẹdide he yin mimọ to Karnak to Egipti dohia dọ Ohó Jiwheyẹwhe tọn nọ dọ nugbo gbọn?

  Your answer

• Etẹwẹ dohia dọ owẹ̀n he to Biblu mẹ ma diọ?

  Your answer

• Na Biblu gbẹ́ tin kakajẹ egbehe wutu, nawẹ enẹ dohia we gbọn dọ Ohó Jiwheyẹwhe tọn wẹ e yin?—Hia Isaia 40:8

  Your answer