To azán godo tọn ehelẹ mẹ, whlepọn sinsinyẹn susu lẹ wẹ mí to pipehẹ. To whedelẹnu, mí gán nọ mọdọ whlepọn mítọn lẹ zẹ̀ nuhe mí gán doakọnna go. Etomọṣo, eyin mí zindonukọn nado nọ dọnsẹpọ Jehovah, ewọ na gọalọna mí nado doakọnna whlepọn he tlẹ húagbọ́mẹ lẹ. (Isa 43:2, 4) Nawẹ mí sọgan dọnsẹpọ Jehovah to whenue mí to pipehẹ whlepọn lẹ gbọn?

Dẹ̀hiho. To whenue mí dọ nuhe to ahun ji na mí lẹ na Jehovah, ewọ nọ na mí jijọho ahun mẹ tọn po huhlọn he mí nado doakọnnanu po.—Flp 4:6, 7; 1Tẹ 5:17.

Opli lẹ. Hugan gbede pọ́n, mí do hudo núdùdù gbigbọmẹ tọn po gbẹdido he Jehovah nọ hẹn yọnbasi to opli mítọn lẹ ji lẹ tọn po. (Heb 10:24, 25) Eyin mí nọ wleawuna opli lẹ bo nọ yì yé bosọ nọ tindo mahẹ to yé mẹ, mí na mọaleyi to gigọ́ mẹ sọn alọgọ he gbigbọ Jehovah tọn nọ namẹ mẹ.—Osọ 2:29.

Lizọnyizọn lọ. Eyin mí nọ wà nuhe go mí pé lẹpo nado hẹn alọnu mítọn ján to lizọnyizọn lọ mẹ, e na bọawuna mí nado nọ ze ayiha do nudagbe lẹ ji. Mí nasọ hẹn họntọnjiji mítọn hẹ Jehovah po azọ́nwatọ-hatọ mítọn lẹ po lodo dogọ.—1Kọ 3:5-10.

PỌ́N VIDEO LỌ JEHOVAH NA YÍ WE, ENẸGODO NA GBLỌNDO NA KANBIỌ HE BỌDEGO LẸ:

• Etẹwẹ gọalọna Malu nado dọnsẹpọ Jehovah to whlepọn etọn lẹ whenu?

  Your answer

• Taidi Malu, nawẹ nuhe to Salmu lẹ 34:18 mẹ gán miọnhomẹna mí to whlepọn lẹ whenu gbọn?

  Your answer

• Nawẹ numimọ Malu tọn dohia dọ Jehovah nọ na mí “huhlọn he hú jọwamọ tọn” to whenue mí to pipehẹ whlepọn lẹ gbọn?—2Kọ 4:7.

  Your answer