Mí nọ jlo nado hẹn homẹhun Jehovah to nuhe mí nọ wà lẹpo mẹ. (Hwh 27:11) Nado wàmọ, mí dona nọ basi nudide he nọ do pọndohlan etọn hia lẹ, etlẹ yin to whenue osẹ́n kavi gbedide he họnwun de ma tin nado deanana mí. Etẹlẹ wẹ gán gọalọna mí nado wàmọ?

Hẹn aṣa Biblu pinplọn tọn gbesisọ tọn de go. Whedepopenu he mí to Biblu hia, e nọ taidi dọ mí to whenu zan dopọ hẹ Jehovah wẹ nkọ. Mí sọgan plọnnu gando pọndohlan Jehovah tọn go eyin mí nọ lẹnnupọndo lehe ewọ yinuwa hẹ omẹ etọn lẹ do ji bo gbadopọnna apajlẹ mẹhe wà nuhe sọgbe kavi nuhe ma sọgbe to nukun etọn mẹ lẹ tọn. To whenue mí jlo na basi nudide de, gbigbọ wiwe gán gọalọna mí nado flin nuplọnmẹ po nunọwhinnusẹ́n titengbe he mí ko plọn sọn Ohó Jiwheyẹwhe tọn mẹ lẹ po.—Joh 14:26.

Nọ basi dodinnanu. Eyin a jlo na basi nudide de, nọ kanse dewe dọ, ‘Wefọ kavi kandai Biblu tọn tẹlẹ wẹ sọgan gọalọna mi nado mọnukunnujẹ pọndohlan Jehovah tọn gando whẹho lọ go mẹ?’ Nọ biọ alọgọ Jehovah tọn to odẹ̀ mẹ bo nọ yí azọ́nwanu dodinnanu tọn titobasinanu lọ tọn he to ogbè towe mẹ lẹ zan. Azọ́nwanu enẹlẹ na gọalọna we nado mọ nunọwhinnusẹ́n Biblu tọn he sọgbe hẹ ninọmẹ towe lẹ po lehe a gán yí yé do yizan mẹ do po.—Slm 25:4.

PỌ́N VIDEO LỌ MÍ DONA “YÍ AKỌNDONANU DO HỌ̀N ALEWEZUN LỌ”—NỌ DÙ NÚDÙDÙ HUNSINDAGBE TỌN LẸ, ENẸGODO NA GBLỌNDO NA KANBIỌ HE BỌDEGO LẸ:

• Kọgbidinamẹ tẹlẹ wẹ jọja yọnnu he to video lọ mẹ pehẹ?

  Your answer

• Nawẹ a gán yí azọ́nwanu dodinnanu tọn lẹ zan nado duto kọgbidinamẹ mọnkọ lẹ ji gbọn?

  Your answer

• Nawẹ mí nọ mọaleyi gbọn eyin mí yí whenu zan nado basi dodinnanu bosọ basi oplọn mẹdetiti tọn he na gọalọna mí nado basi nudide dagbe lẹ?—Heb 5:13, 14

  Your answer