15-21 Janvier
JOBU 36-37
Ohàn 147 po Odẹ̀ Po | Hodidọ Bẹjẹeji Tọn (Nuk. 1)
1. Dejido Opagbe Ogbẹ̀ Madopodo Tọn He Jiwheyẹwhe Do Go
(Nuk. 10)
Jehovah na tin kakadoi (Job 36:26; w15-F 1/10 13 huk. 1-2)
Jehovah tindo nuyọnẹn po nugopipe lọ po nado na mí nue sin hudo mí do nado nọgbẹ̀ lẹ (Job 36:27, 28; w20.05 22 huk. 6)
Jehovah nọ plọn mí nuhe mí gán wà nado mọ ogbẹ̀ madopodo (Job 36:4, 22; Joh 17:3)
Yise dolido to opagbe ogbẹ̀ madopodo tọn he Jiwheyẹwhe do lọ mẹ nọ gọalọna mí nado doakọnna nuhahun gbẹ̀mẹ tọn lẹ.—Heb 6:19; w22.10 28 huk. 16.
2. Onú Sisosiso Gbigbọmẹ Tọn Lẹ
(Nuk. 10)
-
Job 37:20—Nawẹ owẹ̀n po linlin lẹ po nọ saba yin hinhẹn gbayipe gbọn to otò he go Biblu donù lẹ mẹ? (it-1-F 503 huk. 5)
-
Onú sisosiso gbigbọmẹ tọn tẹlẹ wẹ a mọ to Biblu hihia osẹ ehe tọn mẹ, he a jlo na má hẹ mẹdevo lẹ?
3. Biblu Hihia
(Nuk. 4) Job 36:1-21 (th nupọnnamẹ 2)
4. Hodọdopọ de Bibẹjẹeji
(Nuk. 3) KUNNUDIDE GBANGBA TỌN. (lmd nupinplọn 3 hóvila 3)
5. Afọdidona Mẹhe Do Ojlo Hia Lẹ
(Nuk. 4) WHÉDEGBÈ JẸ WHÉDEGBÈ. (lmd nupinplọn 2 hóvila 5)
6. Zẹẹmẹ Nuyise Towe lẹ Tọn Bibasi
(Nuk. 5) Hodidọ. ijwfq 57 huk. 5-15—Hosọ: Naegbọn Yè Do Dohomẹkẹn Kunnudetọ Jehovah Tọn lẹ to Ojlẹ He mẹ Yè Hù Mẹsusu Dopọ Ji Te? (th nupọnnamẹ 18)
Ohàn 49
7. Wleawudaina Ninọmẹ He Nọ Biọ Nukunpedomẹgo Dotowhé Tọn Kavi Mẹzizẹ Lẹ
(Nuk. 15) Hodọdopọ. Mẹho agun tọn de wẹ dona penukundego.
Titobasinanu Jehovah tọn wleawuna azọ́nwanu he nọ gọalọna mí nado setonuna osẹ́n Jiwheyẹwhe tọn he gando ohùn go lẹ. (Ow 15:28, 29) Be a nọ yí yé zan ganji ya?
Kalti Nukunpedomẹgo Dotowhé Tọn Gọna Omẹ Dejidego de Dide Tọn (DPA) po Kalti Mẹdohia Tọn (ic) po: Yé nọ basi zẹẹmẹ nuhe yin ojlo awutunọ de tọn gando yizan ohùn tọn go lẹ tọn. Wẹnlatọ he ko yí baptẹm lẹ gán mọ kalti DPA, gọna Kalti Mẹdohia tọn, he yin awuwlena na ovi pẹvi yetọn lẹ yí to mẹhe nọ penukundo owe lẹ go dè. Kalti ehelẹ dona to mí ji whepoponu. Eyin a dona kanwe gọ́ e mẹ kavi diọ nudelẹ, ma dọngbàn blo.
Nudọnamẹ Delẹ Na Yọnnu He to Ohò Lẹ (S-401) po Informations pour les patients devant subir une chirurgie ou une chimiothérapie po (S-407): Wema ehelẹ nọ gọalọna mí nado wleawu ganji na nukunpedomẹgo dotowhé tọn lẹ, etlẹ yin na ninọmẹ he gando whẹho ohùn tọn go lẹ. Eyin a to ohò kavi e biọ dọ yè ni zẹ̀ we kavi a dona mọ nukunpedomẹgo yí na kansẹẹ wutu, biọ vọkan wema he a do hudo etọn lọ tọn mẹho towe lẹ.
Wedegbẹ́ Whẹgbọtọ Dotowhé tọn (CLH): Mẹhe to wedegbẹ́ ehe mẹ lẹ yin mẹho he mọ azọ́nplọnmẹ yí nado nọ na nudọnamẹ doto lẹ po wẹnlatọ lẹ po do whẹho he gando ohùn go lẹ ji. Yé gán dọho hẹ doto towe do aliho nukunpedomẹgo tọn devo he ma nọ bẹ ohùn hẹn lẹ ji. Eyin e biọ domọ, yé gán gọalọna we nado mọ doto de he na kọngbedopọ hẹ teninọ towe. Yé nọ to gbesisọ mẹ nado gọalọ to okle po ozán po. Eyin e na biọ dọ yè ni glọn we do dotowhé, yè ni zẹ̀ we, kavi a ni mọ nukunpedomẹgo dotowhé tọn vonọtaun de yí, di apajlẹ na kansẹẹ wutu, dọho hẹ CLH do mẹwhenu, eyin etlẹ taidi dọ ohùn-hó ma na fọ́n. Ehe gando hohonọ lẹ go ga. Eyin a do hudo alọgọ CLH tọn, biọ sọha alokan tọn yetọn mẹho towe lẹ.
Hò VIDEO lọ Nawẹ Wedegbẹ́ Whẹgbọtọ Dotowhé Tọn Nọ Gọalọ Gbọn? Enẹgodo, kanse mẹplidopọ lẹ dọ:
Nawẹ wedegbẹ́ ehe gán gọalọna we gbọn eyin a pehẹ ninọmẹ de he gán biọ nukunpedomẹgo dotowhé tọn kavi mẹzizẹ?
8. Biblu Pinplọn Agun Tọn
(Nuk. 30) bt weta 4 huk. 9-12, apotin he to weda 34
