Awuvẹmẹ wẹ nọ zọ́n bọ mí nọ mọnukunnujẹ linlẹn po numọtolanmẹ mẹdevo lẹ tọn po mẹ bosọ nọ yọ́n nue yin nujọnu na yé po hudo yetọn lẹ po. Mẹlẹ nọ yọnẹn eyin mí vẹawu yé podọ ojlo mítọn nado gọalọnamẹ wẹ nọ whàn mí nado do jẹhẹnu enẹ hia. Apajlẹ owanyi po mẹtọnhopọn Jehovah tọn po hodo wẹ mí te to whenue mí do awuvẹmẹ hia to lizọnyizọn lọ mẹ, podọ e nọ zọ́n bọ mẹlẹ nọ dọnsẹpọ Jehovah.—Flp 2:4.

E ma yin mẹpinplọn mẹ kẹdẹ wẹ mí nọ do awuvẹmẹ hia te. Mí sọ nọ do e hia to aliho he mẹ mí nọ dotoai bo nọ dọho te, podọ to nuyiwa, gòwhinwhàn po awusọhia nukunta tọn mítọn po mẹ. E nọ zọ́n bọ mí nọ hò mẹdevo lẹ tọn pọ́n sisosiso bo nọ doayi nue nọ duahunmẹna yé lẹ, nuyise yetọn lẹ po ninọmẹ yetọn lẹ po go. Mí nọ na yé ayinamẹ dagbe bosọ nọ gọalọna yé, amọ́ mí ma nọ do ṣọ̀ṣọ̀ na yé nado diọ. Ayajẹ mítọn nọ jideji to lizọnyizọn lọ mẹ eyin mẹdevo lẹ kẹalọyi alọgọ mítọn.

PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—HẸN AZỌ́NYINYỌNẸN TOWE PỌNTE—NỌ DO AWUVẸMẸ HIA, ENẸGODO NA GBLỌNDO NA KANBIỌ HE BỌDEGO LẸ:

• Nawẹ Anita do awuvẹmẹ hia gbọn to whenue Jani gbọwhenu?

• Nawẹ Anita do awuvẹmẹ hia gbọn to whenue Jani dọ dọ nuṣikọna emi gbau nado bayi oplọn?

• Nawẹ Anita do awuvẹmẹ hia gbọn to whenue Jani dọ dọ emi ma nọ nọ̀ titoji sọmọ?