To septembre mẹ, mí na dovivẹnu nado yí alọnuwe lọ Duvivi Ogbẹ̀ Tọn Kakadoi! do ze plọnmẹ Biblu donukọnnamẹ to owhé dopodopo gbè. Wẹnlatọ he jlo lẹ gán basi gbehosọnalitọ alọgọtọ tọn po yanwle gànmẹ 30 tọn po. Nawẹ nujijla vonọtaun lọ na yì gbọn?

• To Dlapọn Tintan Whenu: Nọ yí wepa godo tọn alọnuwe lọ tọn do fọnjlodotena whétọ lọ bo do lehe oplọn lọ nọ yì do hia. Flin nado ze plọnmẹ Biblu donukọnna gọyìpọn lẹ po mẹhe ko do ojlo hia wayi lẹ po. Aliho yọyọ he mí nọ yizan nado plọnnu po mẹlẹ po to alọnuwe yọyọ ehe mẹ gán dọ̀n yé, eyin yé tlẹ ko gbẹ́ oplọn lọ wayi. Mí ma dona jo alọnuwe lọ do na mẹhe ma to whégbè lẹ kavi yí i dogọ wekanhlanmẹ he mí jlo na dohlan mẹhe ma do ojlo hia lẹ. Wedegbẹ́ Sinsẹ̀nzọn tọn gán basi tito opli kunnudegbe tọn devo lẹ tọn na agun lọ to osun lọ mẹ.

• Dotẹnmẹ Devo Lẹ: Eyin agun mìtọn nọ zan kẹkẹvi kunnudide tọn, nọ tẹ́ alọnuwe lọ Duvivi Ogbẹ̀ Tọn Kakadoi! do e go. To whenue mẹde tindo ojlo, nọ dọna ẹn dọ mí nọ yí alọnuwe lọ do plọn Biblu hẹ mẹlẹ vọnu. Nọ do lehe oplọn lọ nọ yì do hia mẹlọ to kleun mẹ kavi basi tito nado dohia ẹ to whedevonu. Nugopọntọ sinsẹ̀nzọn tọn gán basi tito bọ wẹnlatọ he pegan lẹ na yì nọtẹn ajọwiwa tọn he to aigba-denamẹ mìtọn ji lẹ nado ze plọnmẹ Biblu donukọnna mẹlẹ. A gán sọ ze plọnmẹ Biblu donukọnna azọ́nwatọgbẹ́ towe lẹ kavi mẹhe a dukosọ hẹ to kunnudide mayin aṣa tọn mẹ lẹ.

Jesu degbena mí nado ‘nọ plọn gbẹtọ lẹ’ bo ‘hẹn yé zun devi.’ (Mt 28:19, 20) Mì gbọ mí ni yí alọnuwe lọ zan to nujijla vonọtaun ehe whenu nado jẹ yanwle ehe kọ̀n.