Biblu na apajlẹ mẹsusu he hodẹ̀ bọ Jehovah sè lẹ tọn. E họnwun dọ yise devizọnwatọ Jehovah tọn enẹlẹ tọn lodo dogọ to whenue yé mọdọ Jehovah na ayidonugo nuhe duahunmẹna yé lẹ bo gọalọna yé. Enẹwutu to odẹ̀ mẹdetiti tọn lẹ mẹ, e na yọ́n dọ mí ni nọ dọ nue dín mí te taun bo nọ tẹnpọn nado doayi gblọndo Jehovah tọn go. Flindọ gblọndo etọn gán nọma yin nuhe a donukun kavi tlẹ gán zẹ̀ nuhe a donukun go. (2Kọ 12:7-9; Efe 3:20) Nawẹ Jehovah gán na gblọndo na odẹ̀ towe lẹ gbọn? E gán na we:

• Huhlọn to agbasa-liho, to numọtolanmẹ-liho kavi to gbigbọ-liho nado duto nuhahun de ji.—Flp 4:13

• Nuyọnẹn nado basi nudide dagbe.—Jak 1:5

• Ojlo po huhlọn po nado yinuwa.—Flp 2:13

• Jijọho to ayimajai whenu.—Flp 4:6, 7

• Godonọnamẹ mẹdevo lẹ tọn to agbasa-liho kavi to numọtolanmẹ-liho.—1Jo 3:17, 18

• Kavi gọalọna mẹhe go mí nọ donù to odẹ̀ mẹ lẹ.—Ow 12:5, 11

PỌ́N VIDEO LỌ JEHOVAH WẸ YIN “SISÈTỌ ODẸ̀ TỌN,” ENẸGODO NA GBLỌNDO NA KANBIỌ HE BỌDEGO LẸ:

• Eyin manọna zọ́n bọ mí ma gán sọ wà nususu ba, nawẹ numimọ Mẹmẹsunnu Shimizu tọn gán na mí tuli gbọn?

• Nawẹ mí gán hodo apajlẹ Mẹmẹsunnu Shimizu tọn gbọn?