To septembre mẹ, mí na dovivẹnu vonọtaun nado dohia mẹlẹ dọ Ahọluduta Jiwheyẹwhe tọn kẹdẹ wẹ yin pọngbọ na nuhahun gbẹtọvi lẹ tọn. (Mt 24:14) Nawẹ a gán do mahẹ to e mẹ gbọn? Má wefọ Biblu tọn he dọhodo Ahọluduta Jiwheyẹwhe tọn ji hẹ mẹsusu to osun lọ mẹ dile a pé e go do. Eyin mẹde do ojlo, a gán ze vọkan zinjẹgbonu mẹlẹpo tọn Atọ̀họ̀-Nuhihọ́ lọ Tọn Sọha 2tọ 2020 tọn na ẹn. Enẹgodo, yawu doafọna ojlo mẹlọ tọn bo tẹnpọn nado bẹ plọnmẹ Biblu de jẹeji hẹ ẹ to alọnuwe lọ Duvivi Ogbẹ̀ Tọn Kakadoi! mẹ. Mẹhe to gbehosọnalitọ alọgọtọ tọn bayi to septembre mẹ lẹ gán de nado jẹ yanwle gànmẹ 15 kavi 30 tọn kọ̀n.

To madẹnmẹ, Ahọluduta Jiwheyẹwhe tọn na gídí aṣẹpipa he nọ diọnukunsọ ẹ lẹpo. (Da 2:44; 1Kọ 15:24, 25) Enẹwutu, mì gbọ mí ni yí dotẹnmẹ vonọtaun ehe zan to gigọ́ mẹ nado nọgodona Jehovah po Ahọluduta etọn po!