Yanwle gbigbọmẹ tọn lẹ nọ bẹ nudepope he mí nọ dovivẹnu sinsinyẹn nado wadotana lẹ hẹn, po linlẹn lọ po nado sọgan sẹ̀n Jehovah to gigọ́ mẹ bosọ hẹn homẹ etọn hùn. Yé nọ gọalọna mí nado yinukọn to nugbo lọ mẹ bo nọ biọ dọ mí ni yí whenu po huhlọn mítọn po do sanvọ́ nado jẹ e kọ̀n. (1Ti 4:15) Naegbọn mí dona nọ vọ́ yanwle mítọn lẹ gbeje pọ́n whẹwhẹ? Na ninọmẹ lẹ nọ diọ wutu. Yanwle de sọgan nọma sọgbe hẹ lẹnpọn dagbe ba, kavi mí gán ko jẹ yanwle de kọ̀n bo dona ze devo dai.

Ojlẹ dagbe de die nado gbeje yanwle mítọn lẹ pọ́n whẹpo owhe sinsẹ̀nzọn tọn yọyọ lọ nido bẹjẹeji. Be e ma na yọ́n nado dọhodo ehe ji to sinsẹ̀n-bibasi whẹndo tọn whenu bo ze yanwle mẹdetiti tọn po whẹndo tọn lẹ po dai ya?

Yanwle tangan tẹlẹ wẹ a do to adà he bọdego lẹ mẹ, podọ afọdide tẹlẹ wẹ a na ze nado jẹ yé kọ̀n?