GBẸZAN KLISTIANI TỌN
Nọ Hodo Apajlẹ Owanyi Nugbo Jehovah Tọn
Jehovah wẹ yin apajlẹ dagbe hugan owanyi nugbo tọn. (Slm 103:11) Owanyi ehe ma yin owanyi mọmọ tọn de he nọ yawu busẹ. Kakatimọ, owanyi sisosiso de wẹ he nọ gbọṣi aimẹ tẹgbẹ. Jehovah do jẹhẹnu ehe hia Islaelivi lẹ to aliho susu mẹ. E de yé sọn kanlinmọgbenu to Egipti bosọ plan yé wá Aigba Pagbe tọn ji. (Slm 105:42-44) E hoavùn do ota yetọn mẹ bo jo ylando yetọn lẹ na yé whlasusu. (Slm 107:19, 20) Eyin mí “nọ yí sọwhiwhe do lẹnnupọndo azọ́n owanyi nugbo tọn Jehovah tọn lẹ ji,” e na zọ́n bọ mí na hodo apajlẹ etọn.—Slm 107:43.
PỌ́N VIDEO LỌ “NỌ YÍ SỌWHIWHE DO LẸNNUPỌNDO AZỌ́N OWANYI NUGBO TỌN JEHOVAH TỌN LẸ JI,” ENẸGODO NA GBLỌNDO NA KANBIỌ HE BỌDEGO LẸ:
-
Aliho tẹlẹ mẹ wẹ mí gán do owanyi nugbo hia te?
-
Naegbọn owanyi nugbo didohia do nọ biọ avọ́sinsan?
