NUHỌAKUẸ LẸ SỌN OHÓ JIWHEYẸWHE TỌN MẸ

Be A Nọ Mọ Dewe Di Mẹjọmẹ Gbau Nado Wà Azọ́n Delẹ Wẹ Ya?

MÌ HÒ (video kavi hoyidokanji lọ)

Yẹwhenọ daho po nọvisunnu etọn lẹ po ma mọdọ emi yin mẹjọmẹ gbau nado do mahẹ to adó Jelusalẹm tọn lẹ vivọ́ do mẹ (Nẹ 3:1)

Sunnu nukundeji delẹ gbẹ́ nado “ze yede whè” bo gọalọ to azọ́n lọ mẹ (Nẹ 3:5; w06 1/2 10 huk. 1)

Yọnnu budisi-Jiwheyẹwhe tọ́ lẹ desọn ojlo mẹ bo wazọ́n sinsinyẹn mahopọnna owù he azọ́n lọ bẹhẹn lẹ (Nẹ 3:12; w19.10 23 huk. 11)

Susu to azọ́n he nọ yin wiwà to agun mẹ lẹ mẹ nọ bẹ alọnuzọ́n kavi azọ́n he taidi nuhe ma yin nujọnu sọmọ lẹ hẹn, ehe mẹdevo lẹ ma nọ doayi e go.—w04 1/8 18 huk. 16.

KANSE DEWE DỌ, ‘Nawẹ e nọ ṣí na mi eyin n’na wazọ́n mọnkọtọn lẹ na wẹndagbe lọ tọn wutu?’—1Kọ 9:23.