GBẸZAN KLISTIANI TỌN
Hẹn Lizọnyizọn Towe Pọnte Dogọ—Video lẹ Yiyizan Nado Plọnmẹ
NUHEWUTU E DO YIN NUJỌNU:
Video lẹ sọgan jẹ ahun gbẹtọ lẹ tọn mẹ na yè nọ to nulẹ mọ bosọ nọ to sisè wutu. Ehe nọ gọalọ nado dọ̀n ayidonugo gbẹtọ lẹ tọn bosọ nọ yinuwado yé ji sisosiso. Jehovah wẹ ko ze apajlẹ dagbe hugan lọ dai na nuhe dù nuhe nukun sọgan mọ lẹ yiyizan nado plọnnumẹ.—Ow 10:9-16; Osọ 1:1.
Video he hosọ yetọn yin Be Jiwheyẹwhe Tindo Yinkọ de Ya?, Mẹnu Wẹ Yin Dowatọ Biblu Tọn?, gọna Nawẹ Mí Sọgan Kudeji Gbọn dọ Biblu Yin Nugbo? nọ zọnpọ hẹ nupinplọn 2tọ po 3tọ alọnuwe Wẹndagbe De tọn po. Video lọ lẹ Naegbọn Mí Dona Plọn Biblu?, Nawẹ Mí Nọ Plọn Biblu hẹ Mẹ Gbọn? gọna Etẹwẹ Nọ Jọ to Plitẹnhọ Ahọluduta Tọn Mẹ? nọ na tuli gbẹtọ lẹ nado plọn Biblu hẹ mí kavi nado yì opli agun tọn lẹ. Delẹ to video mítọn lẹ mẹ sọgan sọ yin yiyizan nado plọnnumẹ to plọnmẹ Biblu lẹ whenu.—km 5/13 3.
LEHE A SỌGAN WÀMỌ DO:
-
Yí video he a jlo na hò na whétọ lọ sọn Intẹnẹt ji jẹnukọn
-
Wleawuna kanbiọ dopo kavi awe he video lọ na na gblọndo etọn
-
Pọ́n video lọ hẹ whétọ lọ
-
Dọhodo nuagokun etọn lẹ ji
TẸ́N EHE PỌ́N:
-
Hùn dopo to alọnuwe pẹvi mítọn lẹ mẹ do weda godo tọn bo dọ̀n ayidonugo whétọ lọ tọn wá nudọnamẹ code QR he nọ hùn video lọ Naegbọn Mí Dona Plọn Biblu? ji
-
Hò video lọ Nawẹ Mí Sọgan Kudeji Gbọn dọ Biblu Yin Nugbo? bo ze alọnuwe Wẹndagbe De donukọnnamẹ, bo zinnudo nupinplọn 3tọ ji
