GBẸZAN KLISTIANI TỌN
Be A to JW Library Yizan Ya?
JW Library yin azọ́nwanu wesẹdotẹn tọn de he na gọalọna we nado nọ yí Biblu po owe devo lẹ po, video lẹ po hoyidokanji lẹ po sọn Intẹnẹt ji do alokan, ọdinatẹẹ apòmẹ tọn kavi ọdinatẹẹ towe ji.
LEHE A NA MỌ ẸN YÍ DO: Yì Intẹnẹt ji bo yí JW Library sọn fie azọ́nwanu mọnkọtọn lẹ nọ yin mimọ te. Azọ́nwanu lọ sọgan yin yíyí to nuyizan voovo lẹ ji. To whenue a to Intẹnẹt ji, hùn azọ́nwanu lọ bo de nuhe a jlo na mọyi sọn Intẹnẹt ji do nuyizan towe ji lọ lẹ. Eyin a ma tlẹ sọgan yì Intẹnẹt ji to owhé towe gbè, vlavo a sọgan wàmọ to Plitẹnhọ Ahọluduta tọn mẹ, wesẹdotẹn pọmẹ tọn de kavi to fie yè nọ sú akuẹ bo nọ zan Intẹnẹt te. Eyin a ko yí owe lẹ do nuyizan towe ji, e ma nasọ biọ dọ a ni yì Intẹnẹt ji ba whẹpo do hùn yé. Na onú yọyọ lẹ nọ yin yiyidogọ to JW Library ji wutu, a dona nọ yì Intẹnẹt ji sọn ojlẹ de mẹ jẹ devo mẹ nado yí onú enẹlẹ eyin yé tin-to-aimẹ.
NAEGBỌN A DONA YÍ I? JW Library nọ hẹn nulẹ bọawu taun to oplọn mẹdetiti tọn whenu podọ to opli agun tọn lẹ ji. E sọ yọ́n-na-yizan na lizọnyizọn lọ titengbe to kunnudide mayin aṣa tọn whenu.
A Gán Sọ Pọ́n Hosọ Ehelẹ
YẸWHEHODIDỌ
Nọ Yí JW.ORG Zan Nado Lá Owẹ̀n Biblu Tọn
Kunnudetọ Jehovah tọn lẹ, mẹhọ po jọja po, yiwanna nado nọ yí nọtẹn Intẹnẹt tọn yetọn he yin vivọ́jlado lọ zan nado jẹ gbẹtọ susu dè dile e sọgan yọnbasi do po wẹndagbe Ahọluduta lọ tọn po.
ALỌGỌ INTẸNẸT JI TỌN
JW Library
Nọ hia Lẹdogbedevomẹ Aihọn Yọyọ Tọn bosọ nọ yí i zan nado plọnnu. Yí wefọ he to e mẹ lẹ jlẹdo Lẹdogbedevomẹ Biblu tọn susu devo lẹ tọn go.
