GBẸZAN KLISTIANI TỌN
Lehe A Sọgan Yí JW Library Zan Do
NA NUPINPLỌN:
-
Hia Biblu po wefọ egbesọ tọn po
-
Hia Owhewé, linlinnamẹwe, po owe devo lẹ po. Yí wema hiadogonanu tọn lẹ zan
-
Wleawuna opli agun tọn lẹ, bo dohiagona gblọndo lẹ
-
Pọ́n video lẹ
TO OPLI JI:
-
Dín wefọ he hodọtọ to alọdlẹndo lẹ. Nọ yí ohia nuhe ṣẹṣẹ wayi lẹ tọn zan nado lẹkọyi wefọ de ji
-
Kakati nado hẹn owe susu wá opli ji, nọ yí alokan kavi nuyizan mọnkọtọn devo zan nado hodo adà voovo lẹ bosọ jihàn lẹ. Ohàn yọyọ he ma ko yin zinzinjẹgbonu to ohanwe mẹ lẹ tin to JW Library ji
TO LIZỌNYIZỌN LỌ MẸ:
-
Do nude hia mẹhe do ojlo hia de sọn JW Library ji, bo gọalọna ẹn nado mọ azọ́nwanu lọ po owe lẹ po yí do alokan etọn titi ji
-
Yí adà dodinnanu tọn zan nado mọ wefọ Biblu tọn de. A sọgan kàn hogbe tangan de kavi hodidọ de do adà dodinnanu tọn lọ mẹ nado dín wefọ de
-
Do video de hia. Eyin whétọ lọ tindo ovi lẹ, a sọgan hò dopo to video Lẹzun Họntọn Jehovah Tọn lẹ mẹ na yé. Kavi a sọgan do video lọ Naegbọn Mí Dona Plọn Biblu? hia nado fọ́n ojlo yetọn dote na Biblu pinplọn. Eyin mẹlọ nọ do ogbè devo, do video de hia ẹ to ogbè etọn mẹ
-
Do wefọ de hia mẹde to ogbè devo mẹ sọn lẹdogbedevomẹ he a ko yí do nuyizan towe ji de mẹ. Yì wefọ lọ ji bo zín in nado do kanṣiṣa he to lẹdogbedevomẹ voovo lẹ mẹ hia
A Gán Sọ Pọ́n Hosọ Ehelẹ
YẸWHEHODIDỌ
Nọ Yí JW.ORG Zan Nado Lá Owẹ̀n Biblu Tọn
Kunnudetọ Jehovah tọn lẹ, mẹhọ po jọja po, yiwanna nado nọ yí nọtẹn Intẹnẹt tọn yetọn he yin vivọ́jlado lọ zan nado jẹ gbẹtọ susu dè dile e sọgan yọnbasi do po wẹndagbe Ahọluduta lọ tọn po.
ALỌGỌ INTẸNẸT JI TỌN
JW Library
Nọ hia Lẹdogbedevomẹ Aihọn Yọyọ Tọn bosọ nọ yí i zan nado plọnnu. Yí wefọ he to e mẹ lẹ jlẹdo Lẹdogbedevomẹ Biblu tọn susu devo lẹ tọn go.
