9:1-7

Pọ́n nuhe na ko yin numọtolanmẹ Jesu tọn to whenue e sè bọ Otọ́ olọn mẹ tọn etọn dọ to numimọ wunmẹdidiọ tọn lọ whenu dọ Emi kẹalọyi i. Matin ayihaawe, ehe na ko na tuli Jesu nado doakọnna yajiji he to nukọnna ẹn. Numimọ ehe sọ yinuwado Pita, Jakọbu po Johanu po ji taun. E hẹn yé kudeji dọ Jesu wẹ Mẹsia lọ, bọ owhẹ̀ yetọn whẹ́n dọ yé dotoaina ẹn. To nudi owhe 32 godo, Pita gbẹ́ flin numimọ enẹ, gọna lehe e vọ́ jidide etọn to “ohó dọdai tọn lọ mẹ” hẹn lodo dogọ do.​—2Pi 1:16-19.

Nugbo wẹ dọ míwlẹ ma mọ numimọ jiawu enẹ, amọ́ mí to hẹndi etọn mọ. Jesu to gandu taidi Ahọlu huhlọnnọ de. To madẹnmẹ, e na “dotana awhàngbigba etọn,” bo na hùn dotẹnmẹ dote na aihọn yọyọ dodowiwa tọn de.​—Osọ 6:2.

Nawẹ hẹndi dọdai Biblu tọn lẹ tọn ko hẹn yise towe lodo gbọn?