AWUWIWLENA LIZỌNYIZỌN KUNNUDEGBE TỌN | YIDOGỌNA AYAJẸ TOWE TO LIZỌNYIZỌN LỌ MẸ
Nọ Yí Apajlẹ lẹ Do De Nuagokun lẹ Tọ́n
Mí dona nọ gọalọna todoaitọ mítọn lẹ nado mọnukunnujẹ nuagokun lẹ mẹ to whenue mí to gọyìpọn kavi plọnmẹ Biblu lẹ bayi. To whenue mí yí apajlẹ do de nuagokun lẹ tọ́n, nuplọnmẹ lọ lẹ nọ jẹ ahun mẹlẹ tọn mẹ bọ yé ma nọ yawu wọn nue yé plọn.
Eyin a to awuwlena gọyìpọn kavi plọnmẹ Biblu de, nọ de nuagokun he ji a na dọhodo lẹ, e ma yin zẹẹmẹ flinflin lẹ. Enẹgodo, nọ dín apajlẹ he ma gẹdẹ lẹ sọn nuwiwa paa lẹ mẹ nado zinnudo nuagokun enẹlẹ ji. (Mt 5:14-16; Mk 2:21; Luk 14:7-11) Hẹn ẹn diun dọ apajlẹ lọ na bọawu na todoaitọ towe nado mọnukunnujẹemẹ. (Luk 5:2-11; Joh 4:7-15) Pọ́n lehe homẹ towe na hùn do sọ, eyin a mọdọ nuagokun lọ jẹ ahun etọn mẹ!
PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—HẸN AZỌ́NYINYỌNẸN TOWE PỌNTE—NỌ YÍ APAJLẸ LẸ DO DE NUAGOKUN LẸ TỌ́N, ENẸGODO NA GBLỌNDO NA KANBIỌ HE BỌDEGO LẸ:
-
Naegbọn nuplọntọ lẹ do nọ do hudo alọgọ tọn nado mọnukunnujẹ wefọ Biblu tọn lẹ mẹ?
-
Nawẹ Anita yí apajlẹ do de nuagokun he to Lomunu lẹ 5:12 mẹ tọ́n gbọn?
-
Apajlẹ dagbe lẹ nọ whànmẹ
Nawẹ apajlẹ dagbe lẹ gán gọalọna todoaitọ mítọn lẹ gbọn?
-
To lizọnyizọn lọ mẹ, naegbọn mí dona nọ yí video po azọ́nwanu mẹpinplọn tọn devo he titobasinanu lọ wleawuna lẹ po zan?
