AWUWIWLENA LIZỌNYIZỌN KUNNUDEGBE TỌN | YIDOGỌNA AYAJẸ TOWE TO LIZỌNYIZỌN LỌ MẸ
Nọ Plọnmẹ po Zohunhun Po
Zohunhun mítọn nọ yinuwado mẹdevo lẹ ji. E gán zọ́n bọ mẹlẹ na dotoaina mí. Zohunhun mítọn sọ nọ dohia dọ owẹ̀n he lá mí te họakuẹ na mí. Mahopọnna akọ̀ he mẹ mí wá sọn kavi gbẹtọ-yinyin mítọn, mí gán plọn nado nọ do zohunhun hia. (Lo 12:11) Gbọnna?
Tintan whẹ́, flindọ owẹ̀n mítọn yin nujọnu taun. A tindo lẹblanulọkẹyi lọ nado lá “wẹndagbe nudagbe lẹ tọn!” (Lo 10:15) Awetọ, lẹnnupọndo lehe wẹndagbe lọ gán diọ gbẹzan todoaitọ towe lẹ tọn do ji. Yé do hudo nue a jlo na dọna yé lọ tọn taun. (Lo 10:13, 14) Podọ atọ̀ntọ, nọ dọho po zohunhun po bosọ nọ yí agbasa do basi dohia to jọwamọ-liho bo nọ dike nukunmẹ towe ni do numọtolanmẹ towe lẹ hia.
PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—HẸN AZỌ́NYINYỌNẸN TOWE PỌNTE—NỌ PLỌNMẸ PO ZOHUNHUN PO, ENẸGODO NA GBLỌNDO NA KANBIỌ HE BỌDEGO LẸ:
-
Etẹwẹ jlo na hù zohunhun Anita tọn gando plọnmẹ Biblu etọn Jani go?
-
Etẹwẹ gọalọna Anita nado gọ̀ zohunhun etọn mọ?
-
Zohunhun mítọn nọ yinuwado mẹdevo lẹ ji
Naegbọn mí dona nọ ze ayiha do jẹhẹnu dagbe todoaitọ mítọn lẹ tọn ji?
-
Nawẹ zohunhun mítọn gán gọalọna plọnmẹ Biblu mítọn lẹ po mẹdevo lẹ po gbọn?
