Na mí yin mapenọ wutu, mí dona to vivẹnudo zọnmii nado dava ojlo mítọn lẹ. Eyin mí nọ joawuna ojlo mítọn lẹ, mí gán wá ba nukundagbe Jehovah tọn pò. Di apajlẹ, ojlo he mẹdelẹ tindo na núdùdù, avọ̀ po adọtẹn po nọ jẹnukọnna owanyi yetọn na Jiwheyẹwhe. Mẹdevo lẹ nọ dovọ́na nujinọtedo Jiwheyẹwhe tọn lẹ bo nọ doalọ to fẹnnuwiwa zanhẹmẹ tọn mẹ. (Lo 1:26, 27) Mẹdevo lẹ ka sọ tin bọ na yé jlo na biọ mẹmẹ kavi na yé jlo dọ yè ni yiwanna yé wutu, yé nọ joawuna kọgbidinamẹ hagbẹ lẹ tọn.—Eks 23:2.

To whelọnu lo, nawẹ mí gán nọ dava ojlo mítọn lẹ gbọn? Mí dona dovivẹnu nado nọ ze ayiha do gbigbọnu lẹ ji. (Mt 4:4) Gbọnvona enẹ, mí dona nọ biọ alọgọ Jehovah tọn. Etẹwutu? Na Jehovah yọ́n nuhe na wà dagbe na mí hugan bosọ yọ́n lehe mí gán hẹn pekọ wá na ojlo mítọn he sọgbe lẹ do.—Slm 145:16.

PỌ́N VIDEO LỌ A DIKE AZỌ̀-NÙNÙ HẸN GBẸZAN TOWE GBLE BLO, ENẸGODO NA GBLỌNDO NA KANBIỌ HE BỌDEGO LẸ:

• Naegbọn mẹdelẹ do nọ nù azọ̀?

• Etẹwẹ azọ̀-nùnù gán zọ̀n do we?

• Naegbọn azọ̀-nùnù, chicha po siga lẹtlikinọ lẹ po do ylan?—2Kọ 7:1

• Eyin mẹde biọ to asi we nado nù azọ̀, nawẹ a gán gbẹ́ gbọn? Eyin a tlẹ ko lẹzun afanumẹ na azọ̀-nùnù, nawẹ a gán gbẹ́ jo aṣa enẹ do gbọn?